News March 30, 2025
భూపాలపల్లి: బాల్య వివాహాలకు అడ్డుకట్ట ఏదీ..!
భూపాలపల్లి జిల్లాలో బాల్య వివాహాల కట్టడికి అధికారులు కట్టుదిట్టమైన చర్యలు తీసుకున్నప్పటికీ బాల్యవివాహాలు పెరుగుతున్నాయి. గ్రామాల్లో ఎక్కువగా పది, ఇంటర్ పూర్తి కాగానే ధనవంతుల కుటుంబాల సంబంధాలు వస్తే తల్లిదండ్రులు బాల్యవివాహాలకు మొగ్గు చూపుతూ వస్తున్నారు. బాల్యవివాహాల కట్టడికి అధికారులు అవగాహన సదస్సులు, జరిమానాలు సైతం విధిస్తున్నారు. కాగా 2018 నుంచి ఇప్పటి వరకు 123 బాల్య వివాహాలను అడ్డుకున్నారు.
Similar News
News November 5, 2025
GWL: ఈనెల 8న వేములవాడకు స్పెషల్ బస్సు-DM సునీత
కార్తీక మాసం సందర్భంగా గద్వాల జిల్లా భక్తుల సౌకర్యార్థం వైష్ణవ ఆలయాలకు ఆర్టీసీ ప్రత్యేక బస్సులు నడుపుతోందని డీఎం సునీత బుధవారం ప్రకటనలో పేర్కొన్నారు. వేములవాడ దర్శిని పేరుతో వేములవాడ, కోటిలింగాలు, ధర్మపురి, కొండగట్టు, కొమరవెల్లి క్షేత్రాలు 2 రోజుల్లో దర్శించుకునేందుకు ఈనెల 8న తెల్లవారుజామున 4:00 సూపర్ లగ్జరీ బస్సు బయలుదేరుతుందన్నారు. ఒకరికి రూ.2,350 ఛార్జీ ఉంటుందన్నారు. Contact 9959226290
News November 5, 2025
రబీలో రాగులు సాగు – ముఖ్య సూచనలు
రాగులును విత్తడానికి ముందు kg విత్తనానికి కార్బండజిమ్ 2గ్రా. లేదా మాంకోజెబ్ 2గ్రాములతో విత్తనశుద్ధి చేయాలి. తేలికపాటి దుక్కిచేసి విత్తనం చల్లి పట్టె తోలాలి. నారుపోసి నాటాలి. 85-90 రోజుల రకాలకు 21 రోజుల మొక్కలను, 105-125 రోజుల పంటకాలం గల రకాలకు 30 రోజుల మొక్కలను నాటాలి. స్వల్పకాల రకాలకు వరుసల మధ్య 15cm, మొక్కల మధ్య 10cm, దీర్ఘకాలిక రకాలకు వరుసల మధ్య 15-20cm, మొక్కల మధ్య 15cm దూరం ఉండేలా విత్తాలి.
News November 5, 2025
వీటిని క్లీన్ చేస్తున్నారా?
మేకప్‌ బ్రష్‌లు, స్పాంజ్‌లకు ఎక్స్‌పైరీ డేట్‌ ఉండదు. కానీ వాటిని ఏడాదికోసారైనా మార్చాలని నిపుణులు సూచిస్తున్నారు. దీర్ఘకాలంపాటు మార్చకుండా ఉంటే మేకప్‌ అప్లికేషన్‌, బ్లెండింగ్‌ నాణ్యత తగ్గుతుంది. అలాగే వీటిని రెగ్యులర్‌గా క్లీన్ చేయకపోతే బ్యాక్టీరియా పెరిగి మొటిమలు, ఇతర చర్మసమస్యలు వస్తాయి. వేడి నీళ్లు, డిష్‌ వాషర్‌ సోప్‌, యాంటి బ్యాక్టీరియల్‌ సోప్‌, బేబీషాంపూతో వాటిని సులువుగా శుభ్రం చేసుకోవచ్చు.