News December 29, 2025
మండపేట ప్రజల కోరిక నెరవేర్చిన ప్రభుత్వం
మండపేట రాజమండ్రికి అతి సమీపంలో ఉంటుంది. కానీ జిల్లాల మార్పు సమయంలో 2003లో దీనిని బీఆర్ అంబేద్కర్ కోనసీమలో కలిపారు. అప్పటి నుంచి మండపేటను తిరిగి రాజమండ్రిలో కలపాలని ఒత్తిడి వస్తోంది. కూటమి ప్రభుత్వం ప్రజాభీష్టం పరిగణనలోకి తీసుకుంది. వారి అభిష్టానికి అనుగుణంగా మండపేటను రాజమండ్రిలో కలుపుతూ సోమవారం రాష్ట్ర క్యాబినెట్ ఆమోద ముద్ర వేసింది. రెవిన్యూ మంత్రి ఈ విషయాన్ని వెల్లడించారు.
Similar News
News January 2, 2026
మున్సిపల్ ఓటర్ల డ్రాఫ్ట్ లిస్ట్ రిలీజ్.. పేరు చెక్ చేసుకోండి
తెలంగాణలోని 117 మున్సిపాలిటీలు, 6 కార్పొరేషన్లలో డ్రాఫ్ట్ ఓటర్ల జాబితాలు రిలీజ్ అయ్యాయి. ఈనెల 4వ తేదీ వరకు అభ్యంతరాలు స్వీకరించి, 10న తుది జాబితా విడుదల చేయనున్నారు. మొత్తం 45 లక్షల మందిపైగా ఓటర్లు ఉన్నారు. అందులో 23 లక్షల మంది మహిళలు, 22 లక్షల మంది పురుషులు ఉన్నారు. మున్సిపాలిటీల్లో 2,690, కార్పొరేషన్లలో 366 వార్డులు ఉన్నాయి. https://tsec.gov.inలో పేరు చెక్ చేసుకోవచ్చు.
News January 2, 2026
పాలమూరు: నకిలీ కారం కలకలం
నకిలీ కారంపొడి కలకలం సృష్టించిన ఘటన బాలానగర్ మండలంలోని ఉడిత్యాల గ్రామంలో గురువారం జరిగింది. గ్రామస్తుల వివరాల ప్రకారం.. కొత్త సంవత్సర సందర్భంగా వంటకాలకు గ్రామంలో ఓ కిరాణా షాపులో కొందరు వ్యక్తులు కారంపొడి కొన్నారు. తమ వంటకాలలో వేయగా.. రంగు తప్ప రుచి లేకపోవడంతో అనుమానం వచ్చి పరిశీలించారు. కారంపొడి నకిలీదని తేలింది. షాప్ యజమానిని నకిలీ కారంపొడిపై అడిగితే స్పందించలేదని గ్రామస్థులు అన్నారు.
News January 2, 2026
చిక్కటి రక్తం నాకు ఇష్టం ఉండదు: ట్రంప్
డాక్టర్లు ప్రిస్క్రైబ్ చేసిన దానికన్నా ఎక్కువ డోసులో ఆస్పిరిన్ మాత్రలు వేసుకుంటున్నానని US అధ్యక్షుడు ట్రంప్ తెలిపారు. ‘రక్తాన్ని పలుచగా చేసేందుకు ఆస్పిరిన్ బాగా పని చేస్తుందని డాక్టర్లు చెప్పారు. చిక్కటి రక్తం నా గుండె ద్వారా ప్రవహించడం నాకు ఇష్టం ఉండదు. పలుచని రక్తమే వెళ్లాలని కోరుకుంటా. అందుకే ఆస్పిరిన్ డోసులు ఎక్కువ వేసుకుంటున్నా. దీనివల్లే నా చేతిపై గాయాలు అవుతున్నాయి’ అని తెలిపారు.