News August 29, 2025

మంథని: ‘లోతట్టు ప్రాంత ప్రజలు అప్రమత్తంగా ఉండాలి’

గోదావరినదిలో వరద ఉధృతి నేపథ్యంలో లోతట్టు ప్రాంత ప్రజలు అప్రమత్తంగా ఉండాలని కలెక్టర్ కోయ శ్రీహర్ష అన్నారు. గురువారం మంథని పట్టణంలోని గోదావరితీరాన్ని ఆయన పరిశీలించారు. వివిధ ప్రాజెక్టుల నుంచి విడుదలవుతున్న నీటి వివరాలను ఎప్పటికప్పుడు సమీక్షించాలని, అవసరమైతే లోతట్టు ప్రాంత ప్రజలను సురక్షిత ప్రాంతాలకు తరలించాలని అధికారులను ఆదేశించారు. క్షేత్రస్థాయిలో అధికారులు సహాయక చర్యలకు సిద్ధంగా ఉండాలని సూచించారు.