News December 22, 2025
మన టాప్-4 కంపెనీల విలువ కంటే మస్క్ సంపదే ఎక్కువ
ఎలాన్ మస్క్ సంపద ఫోర్బ్స్ ప్రకారం 748 బి.డాలర్లకు చేరింది. రిచ్ లిస్ట్లో రెండో స్థానంలో ఉన్న లారీ పేజ్ కంటే ఆయన సంపద 496 బి.డాలర్లు ఎక్కువ. అలాగే ఇండియాలో మార్కెట్ క్యాప్ పరంగా టాప్-4లో ఉన్న రిలయన్స్, HDFC, Airtel, TCS విలువ కంటే కూడా మస్క్ సంపదే అధికం. ఇటీవల అక్కడి కోర్టు మస్క్కు రావాల్సిన టెస్లా స్టాక్ ఆప్షన్లు, వేతన ప్యాకేజీని పునరుద్ధరించడంతో ఆయన సంపద భారీగా పెరిగింది.
Similar News
News January 11, 2026
నేడు, రేపు వర్షాలు
AP: నైరుతి బంగాళాఖాతంలో తీవ్ర వాయుగుండం శనివారం వాయుగుండంగా బలహీనపడి శ్రీలంకలోని జాఫ్నా, ట్రింకోమలై వద్ద తీరం దాటింది. ఆ ప్రభావం రాష్ట్రంపై కన్పిస్తోంది. ఫలితంగా ఇవాళ, రేపు TPT, చిత్తూరు, KDP, ATP, అన్నమయ్య, NDL, శ్రీసత్యసాయి, NLR, ప్రకాశం, BPT, GNT జిల్లాల్లో మోస్తరు వర్షాలు కురిసే అవకాశముందని వాతావరణ నిపుణులు చెబుతున్నారు. అటు ఉత్తర భారతం నుంచి వీస్తున్న గాలులతో రాష్ట్రంలో చలి తీవ్రత పెరిగింది.
News January 11, 2026
వ్యాధుల నుంచి విముక్తి కోసం ‘ఆదివార వ్రతం’
ఆరోగ్య ప్రదాత సూర్యభగవానుని అనుగ్రహం కోసం ప్రతి నెలలో కనీసం ఒక ఆదివారమైనా ఆయనను భక్తితో పూజించాలని పండితులు సూచిస్తున్నారు. ఆదివార వ్రతం ఆచరిస్తే ఆయురారోగ్యాలు సిద్ధించడమే కాకుండా చర్మ, నేత్ర సంబంధిత వ్యాధుల నుంచి ఉపశమనం లభిస్తుందని చెబుతున్నారు. సకల వ్యాధుల విముక్తి కోసం ఈ ఆదివార వ్రతం ఉత్తమ పరిహారంగా పరిగణిస్తారు. ఈ వ్రతాన్ని భక్తితో ఎలా ఆచరించాలో తెలుసుకోవడానికి <<-se_10013>>భక్తి కేటగిరీ<<>>లోకి వెళ్లండి.
News January 11, 2026
గేదె పాలకు ఉన్న ప్రత్యేకతలు ఇవే..
ఆవు పాలకంటే గేదె పాలలో ఎక్కువ కొవ్వు, ప్రొటీన్లు ఉంటాయి. ఈ పాలు చాలా చిక్కగా ఉండటం వల్ల జీర్ణం కావడానికి ఎక్కువ సమయం పడుతుంది. గేదె పాలలో కాల్షియం, మెగ్నీషియం, పొటాషియం వంటి పోషకాలు పుష్కలంగా ఉండి ఎముకలను బలోపేతం చేస్తాయి. పెరాక్సిడేస్ అనే ఎంజైమ్ యాక్టివిటీ వల్ల ఆవు పాల కంటే ఇవి ఎక్కువ సమయం నిల్వ ఉంటాయి. మంచి శరీర సౌష్టవం, బరువు పెరగాలనుకువేవారికి గేదె పాలు మేలు చేస్తాయంటున్నారు నిపుణులు.