News April 8, 2025
మహబూబాబాద్: అంబేడ్కర్ ఓవర్సీస్ స్కాలర్షిప్కు దరఖాస్తుల ఆహ్వానం
ఎస్సీ సామాజిక వర్గానికి చెందిన పేద విద్యార్థులకు అందించే అంబేడ్కర్ ఓవర్సీస్ స్కాలర్షిప్కు దరఖాస్తులు ఆహ్వానిస్తున్నట్లు మహబూబాబాద్ జిల్లా ఎస్సీ కులాల సంక్షేమాధికారి నరసింహస్వామి తెలిపారు. తెలంగాణకు చెందిన ఎస్సీ కుల విద్యార్థులు రూ.5 లక్షల ఆదాయం మించకుండా పీజీలో ప్రథమ శ్రేణిలో ఉత్తీర్ణులైనవారు దీనికి అర్హులన్నారు. దరఖాస్తు చేసుకోవడానికి ఈ నెల 19 వరకు అవకాశం ఉందన్నారు.
Similar News
News February 28, 2026
ఈ జాబ్స్ సేఫ్.. AI భర్తీ చేయలేదు: శ్రీధర్ వెంబు
అన్ని రంగాల్లో విస్తరిస్తోన్న ఏఐ వల్ల ఉద్యోగాలు కనుమరుగవుతాయనే వాదన పెరుగుతోంది. అయితే AI భర్తీ చేయలేని, అధిక జీతం వచ్చే పలు జాబ్స్ గురించి ZOHO ఫౌండర్ శ్రీధర్ వెంబు వెల్లడించారు. పిల్లల సంరక్షణ, చిల్డ్రన్స్కు టీచింగ్, వృద్ధులను చూసుకోవడం, వ్యవసాయం, ఫారెస్ట్ రేంజర్స్, పూజారులు, క్లాసికల్ మ్యుజీషియన్స్కు మంచి డిమాండ్ ఉంటుందని ట్వీట్ చేశారు. మీ దృష్టిలో AI టచ్ చేయలేని రంగాలేవో కామెంట్ చేయండి.
News February 28, 2026
మెదక్లో సినిమా షూటింగ్ సందడి
చిన్నశంకరంపేట మం.జంగరాయి పరిసరాల్లో శివాని ప్రొడక్షన్స్ బ్యానర్పై ‘బుల్లెట్ బండి’ సాంగ్ షూటింగ్ సందడిగా జరిగింది. డైరెక్టర్ అరవింద్ దర్శకత్వంలో హీరో సంతోష్, నటులు అలీ గడ్డం, మహిపాల్, సుమిత్ర, అంజిరెడ్డి పాల్గొన్నారు. నిర్మాత శివాని ఆధ్వర్యంలో జరుగుతున్న ఈ చిత్రానికి మను కెమెరామెన్గా వ్యవహరిస్తున్నారు. స్థానిక ప్రకృతి దృశ్యాల మధ్య జరుగుతున్న ఈ చిత్రీకరణను గ్రామస్థులు ఆసక్తిగా వీక్షించారు.
News February 28, 2026
హైదరాబాద్లో ఇక ఒకే చట్టం: సీఎం ఆదేశాలు
ఓఆర్ఆర్ పరిధిలోని 3 కార్పొరేషన్లకు ఒకే చట్టం ఉండాలని సీఎం రేవంత్ రెడ్డి అధికారులను ఆదేశించారు. సెక్రటేరియట్లో మున్సిపల్ అడ్మినిస్ట్రేషన్, అర్బన్ డెవలప్మెంట్పై సీఎం సమీక్షించారు. జీహెచ్ఎంసీ చట్టం స్థానంలో కోర్ అర్బన్ చట్టం రూపకల్పన చేసి, అనుమతులు, అభివృద్ధి పనులన్నీ కోర్ అర్బన్ చట్టం ఆధారంగా నిర్వహించాలన్నారు. ఓఆర్ఆర్ లోపల ఉన్న అన్ని శాఖల రోడ్లను MAUD పరిధిలోకి తేవాలని చెప్పారు.