News December 14, 2025
మహిళల కోసం 10 కాపీ షాపులు: DRDA పీడీ
మహిళలు స్వయం ఉపాధితో పారిశ్రామిక వేత్తలుగా ఎదగాలని DRDA పీడీ ఝాన్సీరాణి పిలుపునిచ్చారు. వారి ఆర్థిక సాధికారతే లక్ష్యంగా జిల్లాలో మొత్తం 10 కాఫీ షాపులు ఏర్పాటు చేయనున్నట్లు ఆమె తెలిపారు. ఇప్పటివరకు ఆరుగురు మహిళలు దరఖాస్తు చేసుకున్నారని చెప్పారు. నరసరావుపేటలో కలెక్టరేట్, ఆర్టీసీ బస్టాండ్ సమీపంలో కాఫీ షాప్ పనులు వేగంగా జరుగుతున్నాయని, వచ్చే నెలాఖరుకు వాటిని పూర్తి చేస్తామని ఆమె వివరించారు.
Similar News
News December 21, 2025
NLG: ఆ నిధులు వస్తేనే జీపీలకు వెసులుబాటు
పంచాయతీల్లో అభివృద్ధి పనులకు నిధుల లేమి అడ్డంకిగా మారనుంది. కేంద్ర నిధులతో సమానంగా ఒక్క ఏడాది నిధులిచ్చి గత ప్రభుత్వం చేతులెత్తేసింది. 2023 నుంచి కేంద్రం నుంచి నిధులు రాలేదని మాజీ సర్పంచ్ లు పేర్కొంటున్నారు. ఉమ్మడి జిల్లాలో 1,782 గ్రామపంచాయతీలు ఉన్నాయి. మూడేళ్లుగా నిలిచిన కేంద్ర ప్రభుత్వం నిధులు విడుదల చేస్తే కొత్త పాలకవర్గాలకు కొంత వెసులుబాటు కలుగుతుందని తాజా సర్పంచులు అంటున్నారు.
News December 21, 2025
మేడ్చల్ జిల్లా కలెక్టరేట్లో రేపు ప్రజావాణి రద్దు
మేడ్చల్ జిల్లా కలెక్టరేట్లో 22న నిర్వహించనున్న ప్రజావాణి కార్యక్రమాన్ని రద్దు చేస్తున్నట్లు కలెక్టర్
మనుచౌదరి పేర్కొన్నారు. భారత రాష్ట్రపతి ద్రౌపది ముర్ము నగరంలో శీతాకాల విడిది ముగించుకొని తిరిగి సోమవారం ఢిల్లీ వెళ్తుండటంతో ఏర్పాట్ల పనులలో జిల్లా యంత్రాంగం, అధికారులు నిమగ్నమై ఉండటంతో రద్దుచేస్తున్నట్లు ప్రకటించారు. ఈ సమాచారాన్ని జిల్లా ప్రజలు గమనించాలని కలెక్టర్ కోరారు.
News December 21, 2025
జగిత్యాల: ఎమ్మెల్యే నివాసంలో వైద్యాధికారుల సమావేశం
జగిత్యాల జిల్లా వైద్య ఆరోగ్య శాఖకు సంబంధించిన అంశాలపై చర్చించేందుకు జిల్లా వైద్య ఆరోగ్య శాఖ అధికారి డా.ఎ.శ్రీనివాస్, ఉప జిల్లా వైద్య ఆరోగ్య అధికారి (డిప్యూటీ DMHO) డా.ఎన్.శ్రీనివాస్ చొప్పదండి ఎమ్మెల్యే మేడిపల్లి సత్యంను ఆయన నివాసంలో మర్యాదపూర్వకంగా కలిశారు. ఈ సందర్భంగా జిల్లాలో ప్రభుత్వ ఆసుపత్రుల సేవలు, ప్రజలకు అందుతున్న వైద్య సదుపాయాలు, కొనసాగుతున్న ఆరోగ్య కార్యక్రమాల అమలు తీరుపై చర్చించారు.