News September 1, 2025
మార్కాపురం: ఊరొచ్చి.. ఊపిరి వదిలాడు..!
వినాయక చవితికి స్వగ్రామానికి వచ్చిన యువకుడు చనిపోయిన ఘటన ఇది. మార్కాపురం మండలం గొట్టిపడియకు చెందిన కొండారెడ్డి HYDలో సాఫ్ట్‌వేర్ జాబ్ చేస్తున్నారు. వినాయక చవితి ఉత్సవాలకు వచ్చి అందరినీ ఆప్యాయంగా పలకరించారు. స్నేహితులతో కలిసి ఆదివారం రాత్రి మార్కాపురం వెళ్లాడు. తిరిగి బైకుపై ఇంటికి వస్తుండగా కోమటికుంట వద్ద కారు ఢీకొని చనిపోయాడు. ఆయనకు భార్య, ఇద్దరు పిల్లలు ఉన్నారు. కారుపై CMO అని ఉంది.
Similar News
News September 2, 2025
జాన్ వెస్లీకి నివాళులర్పించిన ప్రకాశం ఎస్పీ
ఒంగోలులోని చర్చి కూడలి వద్ద గల జాన్ వెస్లీ ఐపీఎస్ విగ్రహానికి మంగళవారం జిల్లా ఎస్పీ దామోదర్ పూలమాలలు వేసి ఘనంగా నివాళులు అర్పించారు. YSR భద్రతా అధికారిగా విధులు నిర్వహించిన జాన్ వెస్లీ హెలికాప్టర్ ప్రమాదంలో వైయస్సార్‌తోపాటు ప్రాణాలు అర్పించి అమరులయ్యారు. ఈ నేపథ్యంలో జాన్ వెస్లీ 16వ వర్ధంతిని పురస్కరించుకొని ఎస్పీ దామోదర్ నివాళులు అర్పించారు.
News September 2, 2025
ప్రకాశం జిల్లాలో మెరుపు దాడులు.!
ప్రకాశం జిల్లాలో ఎరువుల కేంద్రాలపై, యూరియా నిల్వలపై పోలీసులు మంగళవారం విస్తృతంగా తనిఖీలు చేపట్టారు. జిల్లా SP దామోదర్ ఆదేశాల మేరకు ఈ తనిఖీలు నిర్వహించారు. సాయంత్రానికి తనిఖీల ద్వారా షాపులపై చర్యలు తీసుకుంటారా అన్నది పోలీస్ అధికారులు ప్రకటించే అవకాశం ఉంది. ఈ తనిఖీల్లో DSPలు, CIలు, SIలు ఇతర శాఖల అధికారులు పాల్గొన్నారు.
News September 2, 2025
మార్కాపురం: ప్రయాణికుడి కోసం రైలు వెనక్కి నడిపారు
గజ్జలకొండ-మార్కాపురం సెక్షన్లో సోమవారం రాత్రి రైల్వే సిబ్బంది మానవత్వం చాటుకున్నారు. రేపల్లెకు చెందిన కుటుంబం కొండవీడు ఎక్స్‌ప్రెస్‌లో గుంటూరు నుంచి బయలుదేరారు. ప్రయాణికుడు అదుపుతప్పి కింద పడిపోగా.. కుటుంబీకులు చైన్ లాగి సిబ్బందికి సమాచారమిచ్చారు. ఆ మార్గంలో మరో రైలుకు సిగ్నల్ ఇవ్వకుండా చర్యలు తీసుని రైలును సిబ్బంది కి.మీ వెనక్కి తీసుకెళ్లారు. బాధితుడిని MRK స్టేషన్లో దించి ఆసుపత్రికి తరలించారు.