News April 10, 2025
మా సినిమాను ఆదరించండి: కళ్యాణ్ రామ్
అర్జున్ s/o వైజయంతి సినిమా ఈనెల 18న విడుదలవుతుందని హీరో నందమూరి కల్యాణ్ రామ్ వెల్లడించారు. తిరుపతిలోని ఓ హోటల్లో గురువారం మీడియాతో మాట్లాడారు. ‘కుమారుడి మీద ప్రేమ, భావోద్వేగాలతో సినిమా ఉంటుంది. తల్లి చెప్పిన మాట వినని కొడుకుగా కథ నడుస్తుంది. కుటుంబం మొత్తం సినిమా చూసి సంతోషంగా బయటకు వస్తారు. అందరూ మా సినిమాను ఆదరించండి’ అని కళ్యాణ్ రామ్ కోరారు.
Similar News
News September 15, 2025
నేడు స్థానిక ఎన్నికలపై సీఎం సమావేశం
TG: స్థానిక సంస్థల ఎన్నికలపై ఇవాళ సీఎం రేవంత్ మంత్రులు, ఉన్నతాధికారులతో సమావేశం కానున్నారు. ఇందులో డిప్యూటీ సీఎం భట్టి, మంత్రులు సీతక్క, పొంగులేటి, పొన్నం, ఉత్తమ్ పాల్గొననున్నారు. జూబ్లీహిల్స్ ఉపఎన్నిక తర్వాత రెండు విడతల్లో ఎన్నికలు నిర్వహించేందుకు సాధ్యాసాధ్యాలపై చర్చించనున్నట్లు తెలుస్తోంది. అటు హైకోర్టు గడువు ఈ నెలాఖరుతో ముగియనున్నందున ప్రభుత్వం అప్పీల్‌కు వెళ్లే ఆలోచనలో ఉన్నట్లు సమాచారం.
News September 15, 2025
ఇంజినీర్లకు దారి చూపిన గురువు!
అనంతపురం JNTUలో సివిల్ ఇంజినీరింగ్ ప్రొఫెసర్‌గా పనిచేస్తున్న సుదర్శన రావు ఎంతో మంది యువకులను ఉత్తమ ఇంజినీర్లుగా తీర్చిదిద్దారు. ఆయన గతంలో AEE ఉద్యోగం వదిలేసి టీచింగ్‌ను ఎంచుకున్నారు. తన అసాధారణమైన బోధనతో ఎంతో మంది విద్యార్థులకు మంచి భవిష్యత్తు ఇచ్చారు. ఆయన స్టూడెంట్స్ AE, AEEలుగా ప్రభుత్వ రంగ సంస్థల్లో పనిచేస్తున్నారు. ఇండియాలోని బెస్ట్ టీచర్లలో ఆయన ఒకరిగా పేరు తెచ్చుకున్నారు.
#EngineersDay2025
News September 15, 2025
గద్వాల్: నేస్తమా నీవు కుశలమా..!
గద్వాల్లోని ప్రభుత్వ బాలిక ఉన్నత పాఠశాల పూర్వ విద్యార్థులు (2004-2005) ఆత్మీయ సమ్మేళనం నిన్న నిర్వహించుకున్నారు. 20 ఏళ్ల తర్వాత కలుసుకొని అప్పటి తీపి జ్ఞాపకాలను గుర్తు చేసుకున్నారు. ఒకరి గురించి ఒకరు అడిగి తెలుసుకున్నారు. అందరూ కలిసి సెల్ఫీ, గ్రూప్ ఫొటోలు తీసుకున్నారు. అప్పటి ఉపాధ్యాయులను ఘనంగా సత్కరించారు.