News September 24, 2025
మిడ్జిల్: విధుల్లోనే తహశీల్దార్‌కు గుండెపోటు
మహబూబ్ నగర్ జిల్లాలో ఓ తహశీల్దార్‌కు విధులోనే గుండెపోటు వచ్చిన ఘటన బుధవారం చోటు చేసుకుంది. కార్యాలయ సిబ్బంది, స్థానికులు తెలిపిన వివరాలు.. మిడ్జిల్ తహశీల్దార్ పులిరాజు బుధవారం యథావిధిగా ఎన్నికలకు సంబంధించిన వివరాలను పరిశీలిస్తున్నారు. ఒక్కసారిగా గుండెపోటు రావడంతో ఉన్న చోటే కుప్పకూలారు. తోటి సిబ్బంది అప్రమత్తమై హుటాహుటిన హైదరాబాద్‌కు తరలించారు. పోలీసులు కేసు నమోదు చేసుకున్నారు.
Similar News
News September 24, 2025
వైద్య కళాశాలలు ధారాదత్తం చేయట్లేదు: సత్యకుమార్
AP: ప్రైవేటీకరణకు, పబ్లిక్ ప్రైవేట్ పార్ట్‌నర్‌షిప్‌కు తేడా తెలియని వ్యక్తి గతంలో CMగా చేయడం దౌర్భాగ్యమని మంత్రి సత్యకుమార్ విమర్శించారు. మండలిలో మెడికల్ కాలేజీల PPP విధానంపై ఆయన వివరణ ఇచ్చారు. ‘భూమి యాజమాన్యం హక్కులు ప్రభుత్వం దగ్గరే ఉంటాయి. ప్రైవేటు వ్యక్తులు పెట్టుబడి పెడతారు. కళాశాలలపై పూర్తి పర్యవేక్షణ రాష్ట్ర ప్రభుత్వం దగ్గరే ఉంటుంది. కాలేజీలను ఎవరికీ ధారాదత్తం చేయట్లేదు’ అని తెలిపారు.
News September 24, 2025
భద్రాద్రి: నిశీధిలో అడవి బిడ్డల బతుకులు
అడవి బిడ్డల బతుకులు మారడం లేదని సామాజిక కార్యకర్త కర్నే రవి ఆవేదన వ్యక్తం చేశారు. కరకగూడెం మండలం అంగూరిగూడెం గ్రామంలో దశాబ్దాలుగా విద్యుత్ సౌకర్యం లేదని, దీంతో రాత్రిపూట పాములు, అడవి జంతువుల సంచారంతో గ్రామస్థులు భయపడుతున్నారని తెలిపారు. ఐటీడీఏ అధికారులు స్పందించి రోడ్డు, విద్యుత్, నీటి వసతి కల్పించి వారి బతుకుల్లో వెలుగులు నింపాలని కోరారు.
News September 24, 2025
నరసరావుపేట: ‘నిరుద్యోగుల సమస్యలు పరిష్కరించాలి’
ఏపీలో నిరుద్యోగులు ఎదుర్కొంటున్న సమస్యలు పరిష్కారం చేయాలని AIYF జిల్లా సమితి ఆధ్వర్యంలో కలెక్టరేట్ వద్ద నిరసన తెలిపి జిల్లా కలెక్టర్ కృత్తికా శుక్లాకు వినతిపత్రం సమర్పించారు. వారు మాట్లాడుతూ..నిరుద్యోగ యువతకు ఎన్నికల ముందు ఇచ్చిన హామీలను అమలు చేయాలన్నారు. గ్రూప్ – 1,2 నోటిఫికేషన్ విడుదల చేయాలని అన్నారు. ఏటా జాబ్ క్యాలెండర్ విడుదల చేయాలని తెలిపారు.