News July 24, 2024

మెదక్: రైతుల ఖాతాల్లో 237.5 కోట్లు జమ: కలెక్టర్

మెదక్ జిల్లా వ్యాప్తంగా 47,616 మంది రైతుల ఖాతాల్లో 237.5 కోట్ల రూపాయలు జమ చేసినట్లు కలెక్టర్ రాహుల్ రాజ్ తెలిపారు. జిల్లాలో 47 వేల 978 మంది రైతులకు వివిధ బ్యాంకుల ద్వారా 238.81 కోట్ల రూపాయలు విడుదలయ్యాయి. వివిధ సాంకేతిక కారణాలవల్ల 362 మంది రైతులకు సంబంధించి 1.3 కోట్ల రూపాయలు జమ కావాల్సి ఉంన్నారు. ఈ రైతులకు సంబంధించిన సరైన ఖాతా వివరాలను వ్యవసాయ శాఖ, బ్యాంకు అధికారులు సేకరిస్తారని అన్నారు.