News August 9, 2025
మెదక్: వీడియో కాన్ఫరెన్స్‌లో పాల్గొన్న కలెక్టర్
రాష్ట్ర ఉప ముఖ్యమంత్రి మల్లు భట్టి విక్రమార్క శనివారం హైదరాబాద్ నుంచి వీడియో కాన్ఫరెన్స్ నిర్వహించగా కలెక్టర్ రాహుల్ రాజ్, అదనపు కలెక్టర్ నగేష్ పాల్గొన్నారు. రాష్ట్ర మైనారిటీ సంక్షేమ శాఖ మంత్రి అడ్లూరి లక్ష్మణ్, ప్రధాన కార్యదర్శి (ఎనర్జీ) నవీన్ మిట్టల్, రెడ్ కో సీఎండీ, ఎస్పీడీసీఎల్ సీఎండీ, సింగరేణి కాలరీస్ సీఎండీలతో కలిసి సోలార్ సిస్టం ఇన్స్టాలేషన్ పై మాట్లాడారు.
Similar News
News August 10, 2025
మెదక్ జిల్లాలో దంచి కొట్టిన వర్షం..
మెదక్ జిల్లాలో గత 24 గంటల్లో అత్యధిక వర్షపాతం నమోదైనట్లు వాతావరణ శాఖ అధికారులు వెల్లడించారు. రామాయంపేటలో అత్యధికంగా 91 మిమీ, అత్యల్పంగా రేగోడ్ 1.0 మిమీ వర్షపాతం నమోదైంది. అటు మనోహరాబాద్‌ 90.6, పెద్ద శంకరంపేట 83.8, నర్సాపూర్‌ 73, కౌడిపల్లి 63.8, వెల్దుర్తి 63.3, చిలిప్ చెడ్‌ 60.8, చేగుంట 59.8, పాపన్నపేట్‌ 57.3, టేక్మాల్‌ 55, చిన్న శంకరంపేట 53.6 మిమీ వర్షపాతం రికార్డు అయ్యింది.
News August 10, 2025
MDK: మరో అడుగు నీరొస్తే పోచారం ప్రాజెక్టు ఓవర్ ఫ్లో!
మెదక్-కామారెడ్డి జిల్లా సరిహద్దుల్లో గల పోచారం ప్రాజెక్టు ఓవర్ ఫ్లో కావడానికి మరో అడుగు దూరంలో ఉంది. ఆదివారం ఉదయం 19.4 అడుగుల మట్టానికి నీరు చేరుకుంది. ఎగువన కురుస్తున్న వర్షాల కారణంగా కామారెడ్డి, లింగంపేట, గాంధారి నుంచి వస్తున్న వాగులు పారడంతో ప్రాజెక్టులోకి నీరు చేరుతుంది. 20.5 అడుగుల నీరు వస్తే ప్రాజెక్టు ఓవర్ ఫ్లో కానుంది. ప్రాజెక్ట్ నిండడంతో పర్యాటకుల తాకిడి మొదలైంది.
News August 10, 2025
మెదక్: 11 నుంచి నులిపురుగుల నివారణ మాత్రల పంపిణీ
11 నుంచి 1 నుంచి 19 ఏళ్ల వయస్సు గల వారికి నులిపురుగుల నివారణ మాత్రలు అందిస్తామని మంత్రి దామోదర్ తెలిపారు. రేగోడ్‌లో రాఖీ పౌర్ణమి వేడుకల్లో పాల్గొన్న మంత్రి అంగన్‌వాడీ కేంద్రాలు, ప్రభుత్వ, ప్రైవేట్ స్కూల్స్, కళాశాలల్లో ఈ కార్యక్రమం జరుగుతుందన్నారు. చిన్నారుల పేగుల్లో ఉండే నులిపురుగులను నిర్మూలించి, రక్తహీనత తగ్గించి, రోగనిరోధక శక్తి పెంపొందించడంలో ఈ మాత్రలు సహకరిస్తాయని తెలిపారు.