News October 20, 2025
మెదక్: 10వ తరగతి విద్యార్థిని సూసైడ్
పండగపూట మెదక్ జిల్లాలో విషాదం నెలకొంది. శివంపేట మండలం కొంతాన్‌పల్లిలో బాలిక ఆత్మహత్య చేసుకుంది. స్థానికులు తెలిపిన వివరాలిలా.. గ్రామానికి చెందిన టెన్త్ విద్యార్థిని ఆదివారం సాయంత్రం ఇంట్లో ఎవరూ లేని సమయంలో ఉరేసుకుంది. బంధువుల ఫిర్యాదుతో పోలీసులు కేసు నమోదు చేసి దర్యాప్తు చేపట్టారు. బాలిక ఆత్మహత్యకు గల కారణాలు తెలియాల్సి ఉంది.
Similar News
News October 20, 2025
మంగళగిరి ఎయిమ్స్‌లో ఉద్యోగాలు
ఏపీలోని మంగళగిరి ఎయిమ్స్‌ 8 కాంట్రాక్ట్ పోస్టులకు నోటిఫికేషన్ విడుదల చేసింది. అర్హతగల అభ్యర్థులు నవంబర్ 14 వరకు అప్లై చేసుకోవచ్చు. నవంబర్ 24లోపు దరఖాస్తు హార్డ్ కాపీ, డాక్యుమెంట్స్‌ను పోస్ట్ చేయాలి. పోస్టును బట్టి బీఈ, బీటెక్, ఎంసీఏ, బీఎస్సీ, డిప్లొమా, LLB, బయో మెడికల్ ఇంజినీరింగ్, ఇంటర్, డిగ్రీ ఉత్తీర్ణతతో పాటు పని అనుభవం ఉండాలి. వెబ్‌సైట్: https://www.aiimsmangalagiri.edu.in/
News October 20, 2025
దీపావళి: మీ ప్రాంతంలో ‘పేనీలు’ తింటారా?
దీపావళి అనగానే అందరికీ లక్ష్మీ పూజ, పటాసులే గుర్తొస్తాయి. కానీ తెలంగాణలో కొన్ని ఏరియాల్లో దీపావళి అంటే ‘పేనీలు’ తినాల్సిందే! అవును, ఈ స్వీట్‌ను ఎంతో ఇష్టంతో తినేవారు చాలామంది ఉంటారు. అమ్మవారికి కూడా ఇష్టమైన ఈ తీపి పదార్థాన్ని ముందుగా నైవేద్యంగా సమర్పిస్తారు. ఆ తర్వాత వేడి పాలల్లో కలుపుకొని ఆరగిస్తారు. కొందరు టీలో కూడా వేసుకుంటారు. స్వర్గీయమైన రుచిగా చెప్పే ఈ ఆచారం మీ ప్రాంతంలో ఉందా? COMMENT
News October 20, 2025
VJD మెథడ్ అంటే ఏంటి?
క్రికెట్ మ్యాచ్‌కు అంతరాయం కలిగినప్పుడు ఓవర్లు కుదించేందుకు, టార్గెట్ రివైజ్ చేసేందుకు డక్‌వర్త్ లూయిస్ స్టెర్న్(DLS) మెథడ్ ఉపయోగించడం తెలిసిందే. దీనికి బదులుగా వి.జయదేవన్ తన పేరుతో <<18055833>>VJD<<>> మెథడ్ కనిపెట్టారు. ఇందులో సాధారణ అంచనాతో పాటు మ్యాచ్ రీస్టార్ట్ అయ్యాక బ్యాటర్లు దూకుడుగా ఆడే అంశాన్నీ పరిగణించి టార్గెట్ సెట్ చేస్తారు. ఓవర్లు, వికెట్లతో పాటు రియల్ మ్యాచ్ కండీషన్స్‌నూ అంచనా వేసేలా డిజైన్ చేశారు.