News January 3, 2026
మేడారంలో 50, ములుగులో 20 పడకల ఆసుపత్రులు
మేడారం మహా జాతరకు వచ్చే భక్తులకు మెరుగైన వైద్య సేవలందించడానికి మేడారంలో 50 బెడ్స్తో ఫస్ట్ రిఫరల్ సెంటర్, ములుగు ప్రభుత్వ ఆసుపత్రిలో 20 బెడ్ల ప్రత్యేక వార్డు, రిఫరల్ వైద్య సేవలు ఎంజీఎం హాస్పిటల్లో అందించాలని ఉమ్మడి వరంగల్ జిల్లా సమన్వయ సమావేశంనిర్ణయించింది. ఎంజీఎంలో సూపరింటెండెంట్ హరీష్ చంద్రారెడ్డి అధ్యక్షతన జరిగిన సమావేశంలో అన్ని ఆసుపత్రుల నుంచి వైద్య సిబ్బందిని తీసుకోవాలని నిర్ణయించారు.
Similar News
News February 22, 2026
నల్గొండలో ఇంటర్ పరీక్షలకు సర్వం సిద్ధం
నల్గొండ జిల్లాలో ఈ నెల 25 నుంచి మార్చి 13 వరకు జరగనున్న ఇంటర్ పరీక్షలకు అధికారులు అన్ని ఏర్పాట్లు పూర్తి చేశారు. జిల్లావ్యాప్తంగా 48 కేంద్రాలలో మొత్తం 27,905 మంది విద్యార్థులు పరీక్ష రాయనున్నారని జిల్లా ఇంటర్ అధికారి దస్రు నాయక్ తెలిపారు. ఉదయం 9 నుంచి మధ్యాహ్నం 12 గంటల వరకు పరీక్షలు నిర్వహించనున్నారు. విద్యార్థులకు ఎటువంటి ఇబ్బందులు కలగకుండా కేంద్రాల వద్ద కనీస వసతులు కల్పించారు.
News February 22, 2026
WGL: నేడు గురుకుల ప్రవేశ పరీక్షలు
ప్రభుత్వ గురుకుల విద్యాసంస్థల్లో 5వ తరగతి నుంచి 9వ తరగతి వరకు ఉన్న బ్యాక్లాగ్ సీట్ల భర్తీకి ఆదివారం కామన్ ఎంట్రెన్స్ టెస్ట్ నిర్వహించనున్నట్లు డీసీఓ అపర్ణ తెలిపారు. జిల్లా వ్యాప్తంగా ఏర్పాటు చేసిన 9 కేంద్రాల్లో 3,933 మంది విద్యార్థులు పరీక్షకు హాజరవుతారన్నారు. పరీక్ష పారదర్శకంగా జరిగేందుకు ఏర్పాట్లు పూర్తి చేశామని, విద్యార్థులు హాల్ టికెట్లతో ఉదయం 10 గంటల వరకు కేంద్రాలకు చేరుకోవాలని సూచించారు.
News February 22, 2026
తూ.గో: పసిపాపపై వృద్ధుడి అత్యాచార యత్నం
దేవరపల్లి మండలంలో నాలుగేళ్ల చిన్నారిపై ఓ వృద్ధుడు అత్యాచారయత్నానికి ఒడిగట్టాడు. పొగాకు బ్యారల్ క్యూరింగ్ పనుల కోసం వచ్చిన నేకూరి ఎలీషా (70) ఈ దారుణానికి యత్నించగా స్థానికులు గమనించి పోలీసులకు అప్పగించారు. నిందితుడిపై గతంలోనూ పోక్సో కేసు ఉన్నట్లు సమాచారం. బాధితురాలిని వైద్య పరీక్షల నిమిత్తం ఆస్పత్రికి తరలించి, పోలీసులు నిందితుడిపై కేసు నమోదు చేసి దర్యాప్తు చేస్తున్నారు.