News January 27, 2025
మేడ్చల్‌లో బోధన్‌కు చెందిన మహిళ హత్య
మేడ్చల్‌ మండలంలో ORR బైపాస్ రోడ్డు బ్రిడ్జి కింద ఈ నెల 24న జరిగిన <<15246720>>మహిళ <<>> హత్య కేసులో పోలీసులు పురోగతి సాధించారు. హత్యకు గురైన మహిళ బోధన్‌కు చెందిన వివాహితగా గుర్తించారు. భర్తకు దూరంగా కొంపల్లిలో మరో వ్యక్తితో ఆమె ఉంటున్నట్లు సమాచారం. ఇదే నిజం అయితే ఈ కేసులో ఆ వ్యక్తి కీలకంగా మారనున్నాడు. కాగా.. వివాహిత కుటుంబంతో పాటు వ్యక్తిని పోలీసులు అదుపులోకి తీసుకొని వివరాలను సేకరిస్తున్నారు.
Similar News
News January 29, 2025
నిజామాబాద్: అనుమానాస్పద స్థితిలో వ్యక్తి మృతి
నిజామాబాద్ నగరంలోని 5వ పోలీస్ స్టేషన్ పరిధిలో అనుమానాస్పద స్థితిలో ఓ వ్యక్తి మృతి చెందారు. మహారాష్ట్రకు చెందిన మారుతి నగరంలో కూలీ పనులు చేస్తూ జీవిస్తున్నాడు. సాయినగర్ రోడ్ నంబర్-1లో మంగళవారం మారుతి మృతదేహం కనిపించింది. దీంతో స్థానికులు పోలీసులకు సమాచారం అందించారు. పోలీసులు అక్కడికి చేరుకొని మృతదేహాన్ని జిల్లా ప్రభుత్వ ఆసుపత్రికి తరలించారు.
News January 29, 2025
నవీపేట్: జీవితం మీద విరక్తి చెంది వ్యక్తి మృతి
నవీపేట్ మండలం పాల్దే గ్రామానికి చెందిన శేఖర్ అనే వ్యక్తి జీవితం మీద విరక్తి చెంది పురుగుల మందు తాగి ఆత్మహత్య చేసుకున్నారు. ఇంటి నిర్మాణం చేపట్టి అప్పులు ఎక్కువ కావడంతో ఇంట్లో ఎవరు లేని సమయంలో పురుగుల మందు తాగాడు. అతని భార్య వెంటనే 108 అంబులెన్స్‌లో నిజామాబాద్ ప్రభుత్వ ఆసుపత్రికి తరలించారు. చికిత్స పొందుతూ మంగళవారం మృతి చెందారు. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
News January 29, 2025
ఎడపల్లి: రక్తపు మడుగులో వ్యక్తి మృతి
ఎడపల్లి మండలం జాన్కంపేట్ గ్రామంలో అనుమానాస్పద స్థితిలో వ్యక్తి మృతి చెందిన ఘటన మంగళవారం రాత్రి చోటుచేసుకుంది. విషయం తెలుసుకున్న పోలీసులు ఘటనా స్థలానికి చేరుకొని మృతదేహాన్ని పరిశీలించారు. గ్రామానికి చెందిన బత్తుల నర్సయ్య(60) అనే వ్యక్తి అనుమానాస్పద స్థితిలో రక్తపు మడుగులో ఇంట్లో మృతి చెంది ఉన్నాడని గ్రామస్థులు తెలిపారు. మృతికి గల వివరాలు ఇంకా తెలియాల్సి ఉంది.