News February 16, 2026
మేలో శ్రీవారి సేవలు, దర్శనాల కోటా షెడ్యూల్
AP: ఈ ఏడాది మే నెలకు సంబంధించిన శ్రీవారి సేవలు, దర్శనాలు, వసతి టికెట్ల కోటా విడుదల షెడ్యూల్ను TTD ప్రకటించింది. ఈ నెల 18 నుంచి 20 వరకు ఆర్జిత సేవల టికెట్లకు ఆన్లైన్లో పేర్లను నమోదు చేసుకోవాలి. 21న కళ్యాణోత్సవం, 23న అంగప్రదక్షిణ టోకెన్లు, వృద్ధులు, దివ్యాంగులు, దీర్ఘకాలిక వ్యాధిగ్రస్థుల ఉచిత ప్రవేశ దర్శన కోటా, 24న రూ.300 టికెట్లు, గదుల బుకింగ్, 27న శ్రీవారి సేవ కోటాను రిలీజ్ చేస్తారు.
#ShareIt
Similar News
News February 25, 2026
రాష్ట్రంలోని పాల కేంద్రాల్లో తనిఖీలు: మంత్రి సత్యకుమార్
AP: రాజమండ్రిలో కల్తీ పాల ఘటనపై అధ్యయనం చేస్తున్నామని మంత్రి సత్యకుమార్ యాదవ్ తెలిపారు. రాష్ట్రవ్యాప్తంగా పాల కేంద్రాల్లో తనిఖీలు చేపడుతున్నట్లు వెల్లడించారు. ప్రస్తుతం ఫుడ్ శాంపిల్స్ హైదరాబాద్ పంపిస్తున్నామని, త్వరలోనే విశాఖలో ఫుడ్ టెస్టింగ్ ల్యాబ్ ఏర్పాటు చేస్తామని పేర్కొన్నారు. ఇక శ్రీకాకుళంలో డయేరియా అదుపులోకి వచ్చిందన్నారు. నీటి కలుషితం వల్లే డయేరియా ప్రబలిందని సత్యకుమార్ తెలిపారు.
News February 25, 2026
‘మీ టికెట్’తో ఆర్టీసీ సహా పలు సేవలు
TG: రాష్ట్రంలో ప్రయాణికుల సౌలభ్యం కోసం అన్ని టికెట్లు ఒకేచోట బుక్ చేసుకొనేలా ప్రభుత్వం ‘మీ టికెట్’ యాప్ను అందుబాటులోకి తెచ్చింది. RTC, మెట్రో రైలు టికెట్లు, పాసులు, దేవాలయాలు, టూరిస్టు ప్రాంతాలు, ఫారెస్టు సఫారీ, హైదరాబాద్లోని పార్కులు, కమ్యూనిటీ హాళ్లు, EV ఛార్జింగ్ స్టేషన్లకు సంబంధించి టికెట్లను ముందే యాప్ ద్వారా బుక్ చేసుకోవచ్చు. క్యూలైన్లలో నిల్చోవాల్సిన అవసరం లేకుండా యాప్ ద్వారా పొందొచ్చు.
News February 25, 2026
పసుపు పంటలో దుంప తొలుచు ఈగ – నివారణ
పసుపు పంట సుడి దగ్గర ఆకులు వాడి, ఎండిపోయి, లాగినప్పుడు మొవ్వు సులభంగా ఊడొచ్చి, దుంప లోపల బియ్యం గింజల్లాంటి పిల్ల పురుగులు కనిపిస్తే అది దుంప తొలుచు ఈగగా గుర్తించాలి. దీని నివారణకు ఎకరాకు 100 కిలోల వేపపిండిని మొక్కల మధ్య వేయాలి. సెంటుకు 100 గ్రాముల కార్బోఫ్యూరాన్ 3జి గుళికలకు అదే పరిమాణం గల ఇసుకతో కలిపి పొలంలో తెగులు ఆశించిన దగ్గర చల్లాలి. అలాగే మొక్కల మధ్య నీరు నిల్వకుండా జాగ్రత్త వహించాలి.