News August 21, 2025
మోసపూరిత APK ఫైల్స్ పట్ల జాగ్రత్త: ఎస్పీ
మోసపూరిత APK ఫైల్స్ పట్ల అప్రమత్తంగా ఉండాలని నంద్యాల ఎస్పీ అధిరాజ్ సింగ్ రాణా బుధవారం సూచించారు. WhatsAppలో సైబర్ నేరగాళ్లు మోసపూరితమైన PM KISAN YOJANA, ఐసీసీ బ్యాంక్ క్రెడిట్ కార్డు Apk, SBI ekyc.apk, యోనా SBL.apk వంటి ఫైల్స్ పంపుతున్నారని తెలిపారు. వీటిని క్లిక్ చేయడం వల్ల ఫోన్లలో ఉన్న వ్యక్తిగత సమాచారం దొంగలించే అవకాశం ఉందన్నారు. ఇటువంటి apk పైల్స్ పట్ల ప్రజలు అప్రమత్తంగా ఉండాలన్నారు.
Similar News
News August 21, 2025
గోదావరి ఉద్ధృతికి అప్రమత్తంగా ఉండండి: ఖమ్మం MP
భద్రాచలం వద్ద గోదావరి వరద ఉద్ధృతి పెరిగి.. రెండో ప్రమాద హెచ్చరిక అమల్లోకి వచ్చిన నేపథ్యంలో అధికార యంత్రాంగం అప్రమత్తంగా ఉండాలని ఖమ్మం ఎంపీ రామసహాయం రఘురాం రెడ్డి సూచించారు. పార్లమెంట్ వర్షాకాల సమావేశాల సందర్భంగా ఢిల్లీలో ఉన్న ఆయన ఓ ప్రకటన విడుదల చేశారు. ఉదయం గోదావరి నీటిమట్టం 50 అడుగులకు చేరిందన్న విషయం తెలుసుకొని జిల్లా ఉన్నతాధికారులతో ఫోన్లో మాట్లాడారు. నిరంతరం పర్యవేక్షిస్తూ ఉండాలన్నారు.
News August 21, 2025
ఓట్ చోరీని మరిపించేందుకు బీజేపీ కొత్త ప్లాన్: CM స్టాలిన్
ఓట్ చోరీ బయటపడటంతోనే దాని నుంచి ప్రజల దృష్టి మరల్చేందుకు బీజేపీ 130వ రాజ్యాంగ సవరణ బిల్లును తెరపైకి తెచ్చిందని తమిళనాడు సీఎం స్టాలిన్ ఆరోపించారు. కక్ష సాధింపులో భాగంగా దీన్ని రాజకీయ ప్రత్యర్థులపై సంధిస్తుందని మండిపడ్డారు. ‘30 రోజులు అరెస్ట్ చేసి.. ఎలాంటి విచారణ, తీర్పు లేకుండా ఒక సీఎంను అరెస్ట్ చేస్తారా? ఇది బీజేపీ డిక్టేటర్‌షిప్ మాత్రమే’ అని స్టాలిన్ విమర్శించారు.
News August 21, 2025
పంజాగుట్ట నిమ్స్‌లో ప్రపంచ సుందరి
ప్రతష్ఠాత్మక నిమ్స్‌లో చికిత్స పొందుతున్న క్యాన్సర్ రోగులను ప్రపంచ సుందరి ఓపల్ సుచాత పరామర్శించారు. ఇందులో అందుతున్న వైద్య సేవల గురించి తెలుసుకున్నారు. సదుపాయాలను డైరెక్టర్ డా.బీరప్ప వివరించారు. అనంతరం ఆమె ఆంకాలజీ బ్లాక్‌లో రోగులకు పండ్లు పంచిపెట్టారు. కార్యక్రమంలో మెడికల్ ఆంకాలజీ వైద్యుడు డా.సదాశివుడు, మీడియా ఇన్‌ఛార్జి సత్యాగౌడ్ తదితరులు ఉన్నారు.