News March 23, 2025
యానాం సబ్ జైలు గోడదూకి పరారైన ఖైదీ
కేంద్రపాలిత ప్రాంతమైన యానాం సబ్ జైల్ నుంచి గోడ దూకి ఓ ఖైదీ పరారయ్యాడు. సుమారు 25 అడుగులు సబ్ జైల్ గోడ పైనుంచి దూకి శనివారం పరారైనట్లు సమాచారం. ఒక దొంగతనం కేసులో శనివారం ఉదయం 7 రోజులు రిమాండ్ ఖైదీగా జైలుకి వెళ్లిన కనకాల పేటకు చెందిన కనకాల వెంకటేశ్వర్లు మధ్యాహ్నానికి పరారయ్యాడని చెబుతున్నారు. పోలీసులు ముమ్మర గాలింపు చర్యలు చేపట్టినట్లు తెలిపారు.
Similar News
News November 29, 2025
KMR: సామాజిక తెలంగాణ సాధనే లక్ష్యం: కవిత
జాగృతి చీఫ్ కవిత దీక్ష దివస్ సందర్భంగా X వేదికగా ప్రత్యేక పోస్ట్ చేశారు. ఒక యోధుని దీక్ష అమరుల త్యాగం, యావత్ తెలంగాణ జాతికి మేలుకొలుపుగా, ఐక్యతా గీతంగా నిలిచిందని, ఉద్యమ స్ఫూర్తిని నింపిందని పేర్కొన్నారు. ఆ దీక్షే తెలంగాణ ఉద్యమాన్ని విజయపథం వైపు నడిపించిందని, రాష్ట్ర సాధనకు దారి దీపంగా మారిందని కవిత స్పష్టం చేశారు. భౌగోళిక తెలంగాణను సాధించుకున్నామని, తమ తదుపరి లక్ష్యం సామాజిక తెలంగాణ సాధనేనన్నారు.
News November 29, 2025
పారిశ్రామిక ప్రాంతాల్లో మౌలిక వసతులకు అధిక ప్రాధాన్యత ఇవ్వాలి: కలెక్టర్
పారిశ్రామిక ప్రాంతాల్లో మౌలిక వసతుల కల్పనకు అధిక ప్రాధాన్యత ఇవ్వాలని కలెక్టర్ ఎం.ఎన్.హరేంధిర ప్రసాద్ అధికారులను ఆదేశించారు. శనివారం ఉదయం కలెక్టరేట్ మీటింగు హాలులో అధికారులతో సమావేశం నిర్వహించారు. ఆటోనగర్, మధురవాడ ఇండస్ట్రియల్, ఐటీ పార్కుల్లో పని చేసే కార్మికుల సౌకర్యార్థం బస్టాప్‌లు ఏర్పాటు చేయాలని ఆదేశించారు.
News November 29, 2025
కామారెడ్డి: డిగ్రీ పరీక్షలను పర్యవేక్షించిన టీయూ అధికారులు
కామారెడ్డి పట్టణ కేంద్రంలో జరుగుతున్న డిగ్రీ సెమిస్టర్ పరీక్షలను శనివారం తెలంగాణ యూనివర్సిటీ అకడమిక్ ఆడిట్ సెల్ డైరెక్టర్ ఆచార్య ఘంటా చంద్రశేఖర్, జాయింట్ డైరెక్టర్ డా.అతిక్ సుల్తాన్ ఘోరీ పరిశీలించారు. ఇన్విజిలేటర్లు సక్రమంగా విధులు నిర్వహించేటట్లు అబ్జర్వర్లు సూచించాలన్నారు. విద్యార్థులు మాస్ కాపీయింగ్‌కు పాల్పడకుండా చర్యలు తీసుకోవాలన్నారు.