News December 22, 2025
యూనస్ నాయకత్వం ‘బంగ్లా’కు ప్రమాదకరం: షేక్ హసీనా
బంగ్లాదేశ్లో ప్రస్తుత పరిస్థితులపై ఆ దేశ మాజీ ప్రధాని షేక్ హసీనా స్పందించారు. యూనస్ నాయకత్వం దేశానికి ప్రమాదకరంగా మారిందని ఆరోపించారు. మైనారిటీలపై పెరుగుతున్న దాడులు దేశ ప్రతిష్ఠను దెబ్బతీస్తున్నాయని, భారత్ సహా పొరుగు దేశాలతో సంబంధాలకు ముప్పుగా మారుతున్నాయని హెచ్చరించారు. తీవ్రవాద శక్తులకు యూనస్ ప్రభుత్వం అవకాశం ఇస్తోందని, ప్రజాస్వామ్యాన్ని కాపాడాల్సిన అవసరం ఉందని ఆమె స్పష్టం చేశారు.
Similar News
News December 24, 2025
‘యూరియా’ యాప్ సక్సెస్: మంత్రి
TG: రైతులు ఇంటి నుంచే యూరియా బుక్ చేసుకునేలా ప్రభుత్వం తీసుకొచ్చిన యాప్ విజయవంతంగా అమలవుతోందని మంత్రి తుమ్మల నాగేశ్వరరావు తెలిపారు. ప్రస్తుతం ADB, జనగామ, MBNR, NLG, PDPL జిల్లాల్లో ఈ యాప్ అమలవుతుండగా ఇప్పటివరకు 60,000+ బస్తాలు బుక్ అయినట్లు తెలిపారు. యాప్ను మరికొన్ని రోజులు పరిశీలించి రాష్ట్రవ్యాప్తంగా అందుబాటులోకి తెస్తామన్నారు. ఇప్పటికే 5.30లక్షల టన్నుల యూరియా రాష్ట్రానికి వచ్చిందని చెప్పారు.
News December 24, 2025
చిన్న సినిమాల హవా.. రేపు థియేటర్లలోకి మరిన్ని!
బాక్సాఫీసు వద్ద ఇటీవల పలు చిన్న సినిమాలు సత్తా చాటుతున్నాయి. రేపు నాలుగైదు చిన్న సినిమాలు థియేటర్లలో సందడి చేయనున్నాయి. ఆది సాయి కుమార్ ‘శంబాల’, శ్రీకాంత్ తనయుడు రోషన్ నటించిన ‘ఛాంపియన్’, శివాజీ, నవదీప్ నటించిన ‘దండోరా’, హారర్ ఫిల్మ్ ‘ఈషా’, యూత్ ఫుల్ మూవీ ‘పతంగ్’ వంటివి ఈ లిస్టులో ఉన్నాయి. వీటితో పాటు ‘వృషభ’, ‘మార్క్’ లాంటి డబ్బింగ్ సినిమాలు రాబోతున్నాయి. వీటిలో మీరు దేనికి వెళ్తున్నారు?
News December 24, 2025
పళ్ల ఆరోగ్యం కోసం ఎలాంటి ఆహారం తీసుకోవాలంటే..
పళ్లు ఆరోగ్యంగా ఉండాలంటే పాలు, పెరుగు తీసుకోవాలని నిపుణులు సూచిస్తున్నారు. వీటినుంచి దంతాలకు కావాల్సిన క్యాల్షియం, ఫాస్ఫరస్ అందుతాయి. పాలకూర, తోటకూర తినడం వల్ల విటమిన్ A, C, ఫోలేట్ అందుతాయి. ఆపిల్స్, క్యారట్స్, నారింజ, మామిడి, ఉసిరికాయలు, చేపలు, గుడ్లు తినాలి. తీపి పదార్థాలు, చిప్స్, స్పైసీ ఫుడ్స్ తినడం తగ్గించాలంటున్నారు. పంటి ఆరోగ్యం బావుంటే మొత్తం శరీరం ఆరోగ్యంగా ఉంటుందని సూచిస్తున్నారు.