News January 8, 2026

రంగంపల్లి వీ-హబ్ పనులు వేగవంతం చేయాలి: కలెక్టర్

పెద్దపల్లి మండలం రంగంపల్లిలో నిర్మాణంలో ఉన్న వీ-హబ్ నూతన భవనాన్ని కలెక్టర్ కోయ శ్రీహర్ష పరిశీలించారు. పెండింగ్ పనులను వెంటనే పూర్తి చేయాలని అధికారులను ఆదేశించారు. మహిళలను పారిశ్రామికవేత్తలుగా తీర్చిదిద్దే శిక్షణ, అవగాహన కార్యక్రమాలకు ఈ కేంద్రం ఉపయోగపడుతుందన్నారు. శిక్షణకు అవసరమైన ఫర్నిచర్, పరికరాల ప్రతిపాదనలు సిద్ధం చేయాలని సూచించారు. పర్యటనలో డీఆర్‌డీఓ కాళిందిని, పంచాయతీరాజ్ ఏఈ పవన్ పాల్గొన్నారు.