News August 29, 2025
రణస్థలం: యాక్సిడెంట్‌లో 20 ఏళ్ల యువకుడి మృతి
రణస్థలం మండలం సీతంవలస సమీపంలో గురువారం ద్విచక్ర వాహనం బోల్తా పడి యువకుడు మృతి చెందాడు. జెఆర్‌పురం ఎస్సై చిరంజీవి తెలిపిన వివరాల ప్రకారం..కేటీఎం బైక్‌పై ఇద్దరు యువకులు జెఆర్‌పురం నుంచి లావేరు అతివేగంగా వెళ్తుండగా వాహనం అదుపు తప్పి ప్రమాదానికి గురయ్యారు. యాక్సిడెంట్‌లో బైక్ నడుపుతున్న ప్రభాస్ (20)మృతి చెందాడు. రాంబాబుకు స్వల్ప గాయాలయ్యాయి. పోలీసులు కేసు నమోదు చేసి దర్యాప్తు ప్రారంభించారు.
Similar News
News August 29, 2025
కంచిలి: రైలు ప్రయాణికులకు గమనిక
బ్మహపురం నుంచి సోంపేట మీదుగా విశాఖకు వెళ్లే ప్యాసింజర్ రైలు అనివార్య కారణాలతో మంగళవార, గురువారం, శుక్రవారం మాత్రమే నడుస్తుందని రైల్వే అధికారులు తెలిపారు. ప్రతి రోజు ఉదయం 4:20 గంటలకు బరంపురం నుంచి విశాఖపట్నం ప్రయాణించే ప్యాసింజర్ రైలు సర్వీసును నియంత్రించడంతో ప్రయాణికులు అసహనం వ్యక్తం చేస్తున్నారు.
News August 29, 2025
ఎచ్చెర్ల: రోడ్డు ప్రమాదంలో విద్యార్థి మృతి
ఎచ్చెర్ల హైవేపై శుక్రవారం ఉదయం రోడ్డు ప్రమాదం జరిగింది. చిలకపాలెం నుంచి అల్లినగరం జిల్లా పరిషత్ హై స్కూలుకి వెళ్తున్న ఆటో డివైడర్ ని ఢీ కొని బోల్తా పడింది. ఘటనలో ఏడో తరగతి విద్యార్థి కొప్పిలి మనోజ్(13) మృతి చెందాడు. ఆటోలో మొత్తం ఆరుగురు విద్యార్థులు, ఇద్దరు ఉపాధ్యాయులు ఉన్నారు. మిగిలిన వారికి చిన్న గాయాలయ్యాయి. దీనిపై మరింత సమాచారం తెలియాల్సి ఉంది.
News August 29, 2025
ఆదిత్యుని ఆలయం మూసివేత
వచ్చే నెల 7న సంపూర్ణ చంద్ర గ్రహణం సందర్భంగా అరసవల్లి శ్రీ సూర్యనారాయణస్వామి దేవాలయాన్ని మూసివేస్తామని ఆలయ ఈవో ప్రసాద్ శుక్రవారం ఓ ప్రకటనలో తెలిపారు. ఆ రోజున స్వామి వారికి నిత్యార్చనాలు, నివేదన అనంతరం మధ్యాహ్నం 2 గంటలకు దేవాలయాన్ని మూసివేసి, 8న ఉదయం తెరిచి సంప్రోక్షణం, శుద్ధి కార్యక్రమాలు నిర్వహిస్తామన్నారు. 8న ఉ. 7:30 నుంచి భక్తులకు దర్శన భాగ్యం కల్పిస్తామన్నారు.