News September 26, 2024

రాజకీయ నాయకుడిగా రాలేదు.. ఊరి మనవడిగా వచ్చా: కేటీఆర్

తను రాజకీయ నాయకుడిగా రాలేదని, ఊరి మనవడిగా వచ్చానని బీఆర్ఎస్ వర్కింగ్ ప్రెసిడెంట్, సిరిసిల్ల ఎమ్మెల్యే కేటీఆర్ అన్నారు. రాజన్న సిరిసిల్ల జిల్లా బోయినపల్లి మండలం కొదురుపాక గ్రామంలో గురువారం తన అమ్మమ్మ-తాతయ్య జోగినిపల్లి లక్ష్మీబాయి-కేశవరావు స్మారకార్థం సొంత ఖర్చులతో నిర్మించిన ప్రాథమిక పాఠశాలను ఎమ్మెల్యే మేడిపల్లి సత్యంతో కలిసి కేటీఆర్ ప్రారంభించారు. తన అనుబంధాన్ని పాత జ్ఞాపకాలను గుర్తు చేశారు.