News February 22, 2026
రాజన్న ఖజానాకు కాసుల పంట.. 2 నెలల్లో రూ. 11.60 కోట్లు
వేములవాడ రాజన్న ఆలయ ఖజానాకు రెండు నెలల వ్యవధిలో రూ.11.60 కోట్ల ఆదాయం సమకూరింది. మేడారం సమ్మక్క-సారలమ్మ జాతర నేపథ్యంలో సుమారు నెలరోజులకు పైగా భక్తులు భారీ సంఖ్యలో తరలిరాగా.. కోడె మొక్కులు, అభిషేకం అన్న పూజ టికెట్లు, హుండీ తదితరాల ద్వారా రూ.10.17 కోట్ల ఆదాయం సమకూరింది. మహాశివరాత్రి జాతర సందర్భంగా మరో రూ.1.43 కోట్లు ఆదాయం వచ్చింది. హుండీ ద్వారా మరో రూ.2 కోట్ల వరకు సమకూరే అవకాశం ఉంది.
Similar News
News February 23, 2026
ఎన్నికలకు ముందే BCలకు 34% రిజర్వేషన్లు: CBN
AP: గత GOVT స్థానిక ఎన్నికల్లో BCల రిజర్వేషన్లను 24%కి తగ్గించిందని CM CBN అసెంబ్లీలో విమర్శించారు. ‘వారికి 34% రిజర్వేషన్ కోసం కమిటీ వేశాం. ఎలక్షన్స్కు ముందే రిజర్వేషన్లను పెంచేందుకు ప్రయత్నిస్తున్నాం. ST వర్గీకరణ కోసం జీఓ3 తెస్తే కాపాడలేకపోయారు. దాన్ని సుప్రీంకోర్టు కొట్టేసింది. అందరికీ ఆమోదయోగ్యంగా ఉండేలా నిర్ణయం తీసుకుంటాం. పేదలందర్నీ ఆదుకొనేలా ఫ్యామిలీ బెనిఫిట్ కార్డులిస్తాం’ అని తెలిపారు.
News February 23, 2026
SKLM: ‘జాతీయ లోక్ అదాలత్ను వినియోగించుకోవాలి’
మార్చి 14న జరగనున్న జాతీయ లోక్ అదాలత్ను వినియోగించుకోవాలని జిల్లా ప్రధాన న్యాయమూర్తి, న్యాయ సేవాధికారి సంస్థ ఛైర్మన్ జూనైద్ అహమ్మద్ మౌలానా పేర్కొన్నారు. సోమవారం జిల్లా కోర్టులో పోలీసు అధికారులతో సమావేశం నిర్వహించారు. పెండింగ్లో ఉన్న అత్యధికంగా కేసులు రాజీ చేసేందుకు అధికారులు ప్రయత్నం చేయాలని సూచించారు. మోటర్ యాక్సిడెంట్ కేసుల్లో ఇన్సూరెన్స్ సంస్థలు త్వరితగతిన న్యాయం చేయాలన్నారు. ASP రమణ ఉన్నారు.
News February 23, 2026
మురికి కూపంలో జవహర్నగర్.. డంపింగ్ యార్డు వేట!
గ్రేటర్లో మున్సిపాలిటీల విలీనం చివరకు జవహర్నగర్ పాలిట శాపంగా మారింది. సిటీ నుంచి రోజూ దాదాపు 8000 మెట్రిక్ టన్నుల చెత్త అక్కడ చేరుతుండగా.. కొత్త ప్రాంతాల నుంచి వస్తున్న 1500 టన్నుల అదనపు భారం ఆ ఊరిని ఊపిరి పీల్చుకోనివ్వడం లేదు. ఈ నరకం నుంచి స్థానికులకు విముక్తి కల్పించేందుకు ప్రభుత్వం వికేంద్రీకరణ బాట పట్టింది. శివారు ప్రాంతాల్లో కొత్త డంపింగ్ యార్డుల కోసం వేట మొదలుపెట్టింది.