News November 10, 2024
రాజమండ్రి: రాష్ట్ర శెట్టిబలిజ కార్పొరేషన్ ఛైర్మన్‌గా కుడుపూడి సత్తిబాబు
ఏపీ శెట్టిబలిజ వెల్ఫేర్ అండ్ డెవలప్మెంట్ కార్పొరేషన్ ఛైర్మన్ పదవి రాజమండ్రికి చెందిన కుడుపూడి సత్తిబాబుకు దక్కింది. సత్తిబాబు టీడీపీ తెలుగు యువత, బీసీ సెల్ విభాగాలలో కీలకంగా పని చేశారు. టీడీపీ బీసీ సాధికార సమితి శెట్టిబలిజ విభాగం రాష్ట్ర కన్వీనర్‌గా, శ్రీశైలం గౌడ సత్రం డైరెక్టర్‌గా బాధ్యతలు నిర్వహించారు. తన తల్లి సరస్వతీ పేరిట సరస్వతమ్మ ఛారిటబుల్ ట్రస్ట్ ఏర్పాటు చేసి సేవలు అందిస్తున్నారు.
Similar News
News November 13, 2024
తూ.గో జిల్లాలో ఇసుక ధరలు ఇవే
తూర్పుగోదావరి జిల్లా పరిధిలో రీచ్‌ల వారీగా ఇసుక ధరల వివరాలను జిల్లా గనుల, భూగర్భ శాఖ మంగళవారం ప్రకటించింది. వేమగిరి, కడియపులంకలో రూ.61.37, వంగలపూడి 1,2లలో రూ 70.19, 67.59, ములకలలంక, కాటవరంలలో రూ.61.36, తీపర్రు రూ.96.02, ముక్కామల 2 రూ.116.49, కాకరపర్రు 117.02, పందలపర్రు రూ.104.42గా నిర్ణయించారు. ఈ ధరలకు మించి వసూలు చేస్తే టోల్ ఫ్రీ నంబర్‌కు ఫిర్యాదు చేయాలని అధికారులు తెలిపారు.
News November 12, 2024
నేను వైసీపీని వీడట్లేదు: MLC రవీంద్రబాబు
వైసీపీని తాను వీడుతున్నట్లు వస్తున్న వార్తలను ఎమ్మెల్సీ పండుల రవీంద్రబాబు ఖండించారు. కాకినాడలోని క్యాంపు కార్యాలయం నుంచి మంగళవారం ఆయన మీడియాకు ఓ ప్రకటన విడుదల చేశారు. వైసీపీను వీడాల్సిన అవసరం తనకు లేదని ఆయన ఈ సందర్భంగా చెప్పారు. గత వైసీపీ ప్రభుత్వ హయాంలో అన్ని కులాలతోపాటు దళితులకు కూడా పెద్దపీట వేసిన వైసీపీ అధినేత జగన్‌తోనే తన ప్రయాణమని ఆయన స్పష్టం చేశారు.
News November 12, 2024
గోకవరంలో మహిళపై లైంగిక దాడికి యత్నం.. నలుగురిపై కేసు
మహిళపై అత్యాచారయత్నం చేసిన రాజమండ్రిలోని ఓ కాలేజీలో డిగ్రీ చదువుతున్న యువకులపై కేసు నమోదైంది. SI పవన్ కుమార్ కథనం..ఓ మహిళ రాజమండ్రి -గోకవరం వచ్చి అక్కడ నుంచి కృష్ణునిపాలెంకు నడుచుకుంటూ వెళ్తోంది. సమీప పెట్రోల్ బంకు వద్ద యువకుడు గమనించి, పెట్రోలు బంకులోకి లాక్కెళ్లాడు. ఆమె కేకలు వేయడంతో కొందరు రక్షించారు. యువకుడితో పాటు ముగ్గురు ఫ్రెండ్స్ పారిపోగా.. సోమవారం పట్టుకుని కోర్టుకు తరలించామని తెలిపారు.