News October 13, 2025
రాత్రి కదిరి రోడ్డుపై తాగి ప్రేమజంట రచ్చ
కదిరిలో తప్పతాగి ప్రేమజంట రచ్చ చేసినట్లు CI నారాయణరెడ్డి తెలిపారు. కదిరి టౌన్‌లోని థాయి గ్రాండ్ హోటల్ సమీపంలో ఆదివారం రాత్రి తాగి స్థానికులతో గొడవకు దిగినట్లు ఆయన తెలిపారు. అడ్డుకోబోయిన పోలీసులతో సైతం దురుసుగా ప్రవర్తించారన్నారు. ప్రేమజంటను కడప(D) చక్రాయపేటకు చెందిన లోకేష్, బి.కొత్తకోటకు చెందిన షేక్ బానుగా గుర్తించారు. వారిని హాస్పిటల్‌కు తరలించి కేసు నమోదు చేసినట్లు CI స్పష్టం చేశారు.
Similar News
News October 13, 2025
యుద్ధాలను ఆపడంలో నేను నేర్పరిని: ట్రంప్
యుద్ధాలను ఆపడంలో తాను నేర్పరి అని US అధ్యక్షుడు డొనాల్డ్ ట్రంప్ చెప్పారు. ‘శాంతి కోసం కృషి చేసినందుకు నేనెప్పుడూ నోబెల్ బహుమతి కోరలేదు. ప్రజల ప్రాణాలను కాపాడటమే నా దౌత్యం లక్ష్యం. అంతేకానీ అవార్డుల కోసం కాదు. మిలియన్ల ప్రాణాలను కాపాడాను’ అని తెలిపారు. గాజా యుద్ధం కూడా ముగిసిందని, ఇది తాను పరిష్కరించిన 8వ వార్ అని పేర్కొన్నారు. అఫ్గాన్-పాక్ ఘర్షణల గురించి తెలిసిందని, దానిపైనా దృష్టి పెడతానన్నారు.
News October 13, 2025
భూమికి జనుము, అలసంద చేసే మేలు
ఎకరంలో 6-8KGల జనుము విత్తనాలు చల్లి పూతకు వచ్చాక కలియదున్నితే భూమికి 40KGల నత్రజని, 60KGల భాస్వరం, 25KGల పొటాషియం, ఇతర పోషకాలు అందుతాయి. ఎకరంలో 14-15KGల అలసంద విత్తనాలను చల్లి పంట కోత తర్వాత మొదళ్లను, ఆకులను భూమిలో కలియదున్నితే 35KGల నత్రజని, 8KGల భాస్వరం, 24KGల పొటాష్ భూమికి అందుతాయి. ఇవి భూమికి అధిక పోషకాలను అందించడంతోపాటు చౌడు, కలుపు సమస్యను తగ్గిస్తాయి.
News October 13, 2025
ఉద్యోగాన్నీ వదిలి.. వీధి కుక్కలకు అమ్మ అయి
ఖమ్మం: వీధి కుక్కల పట్ల మమకారం పెంచుకొని, వాటి సంరక్షణ కోసం ఏకంగా తన ఉద్యోగాన్నే వదులుకుంది నగరానికి చెందిన ఓ మహిళ. దానవాయిగూడెంకు చెందిన పద్మ, గత 15 ఏళ్లుగా దాదాపు 100కు పైగా వీధి కుక్కలకు ఆశ్రయం ఇచ్చింది. క్రాఫ్ట్ టీచర్‌గా పనిచేసిన ఆమె, వాటిపై ప్రేమతో ఆ ఉద్యోగాన్ని కూడా వదిలేసింది. వాటిని పెంచేందుకు ప్రభుత్వం కొంత స్థలాన్ని కేటాయించాలని కోరుతోంది. ఆమె సేవను స్థానికులు అభినందిస్తున్నారు.