News November 13, 2025
రాప్తాడులో బాలుడిపై లైంగిక దాడి
రాప్తాడు(M)లో బాలుడిపై లైంగికదాడి జరిగింది. కళ్యాణదుర్గం(M)లోని ఓ గ్రామానికి చెందిన బాలుడు నానమ్మ దగ్గర ఉంటూ 8వ తరగతి చదువుతున్నాడు. వారంక్రితం అమ్మమ్మ దగ్గరికొచ్చాడు. శనివారం RDT స్టేడియంలో క్రీడాపోటీలను స్నేహితులతో కలిసిచూశాడు. ఇంటికి వస్తుండగా చిన్మయనగర్‌కు చెందిన ముగ్గురు పొదల్లోకి తీసుకెళ్లి లైంగిక వేధింపులకు గురిచేశారని CI శ్రీహర్ష తెలిపారు. బాలుడి వివరాల మేరకు పోక్సో కేసు నమోదు చేశామన్నారు.
Similar News
News November 13, 2025
మెదక్: చలి చంపేస్తోంది బాబోయ్!
ఉమ్మడి మెదక్ జిల్లాలో చలి తీవ్రత రోజురోజుకూ పెరుగుతోంది. కనిష్ఠ ఉష్ణోగ్రతలు పడిపోవడంతో తెల్లవారుజామున పనిచేసే పారిశుధ్య కార్మికులు, పాల, కూరగాయల వ్యాపారులు తీవ్ర ఇబ్బందులు పడుతున్నారు. ముఖ్యంగా వృద్ధులు, చిన్నారులు, ఆస్తమా రోగులు అప్రమత్తంగా ఉండాలని, తగిన జాగ్రత్తలు పాటించాలని జిల్లా వైద్యులు సూచించారు.
News November 13, 2025
ఢిల్లీ పేలుడు.. కారులో డీఎన్ఏ ఉమర్‌దే!
ఢిల్లీలోని ఎర్రకోట వద్ద కారు బ్లాస్ట్‌లో మరణించింది డాక్టర్ ఉమర్ అని అధికార వర్గాలు తెలిపాయని INDIA TODAY పేర్కొంది. కారులోని డీఎన్ఏ, ఉమర్ కుటుంబ సభ్యులతో సరిపోలిందని వెల్లడించింది. i20 కారుతో ఎర్రకోట సిగ్నల్ వద్ద ఆత్మహుతి దాడికి పాల్పడిన సంగతి తెలిసిందే. ఈ ఘటనలో 12 మంది మరణించారు. కాగా ఉమర్ పేరిట ఉన్న మరో కారును పోలీసులు స్వాధీనం చేసుకున్నారు.
News November 13, 2025
HYD: స్పాలో అమ్మాయిలతో అబ్బాయిలకు మసాజ్
డిఫెన్స్‌ కాలనీలో నిబంధనలకు విరుద్ధంగా నిర్వహిస్తున్న జెనోరా స్పా మసాజ్ సెంటర్‌పై నేరేడ్‌మెట్ పోలీసులు దాడులు చేశారు. ఈ స్పాలో నిబంధనలకు విరుద్ధంగా మహిళా థెరపిస్ట్‌లతో పురుషులకు క్రాస్ మసాజ్‌లు చేస్తున్నట్లు పోలీసులు గుర్తించారు. స్పా యజమాని, మేనేజర్‌పై కేసు నమోదు చేసి విచారణ ప్రారంభించారు. అవసరమైన అనుమతులు లేకుండా నడిపినందుకు సంబంధిత పత్రాలు, సీసీ ఫుటేజ్‌ను పోలీసులు స్వాధీనం చేసుకున్నారు.