News October 7, 2025
రాష్ట్రంలోనే మొదటి స్థానంలో దేవరకొండ ఆర్టీసీ డిపో
దసరా పండుగ సందర్భంగా ఆర్టీసీ ఆక్యుఫెన్సీ రేషియోలో రాష్ట్రంలో మొదటి స్థానంలో దేవరకొండ ఆర్టీసీ డిపో నిలిచిందని మేనేజర్ రమేశ్ బాబు తెలిపారు. డిపోలో సోమవారం రాత్రి నిర్వహించిన సంబరాలల్లో ఆయన పేర్కొన్నారు. అనంతరం సిబ్బందితో కలిసి కేక్ కట్ చేసి, ఉద్యోగులకు అభినందనలు తెలిపారు. ఈ కార్యక్రమంలో అసిస్టెంట్ మేనేజర్ పడాల సైదులు, కృష్ణయ్య,దీప్లాల్, పాపరాజు, సమాద్ సిబ్బంది పాల్గొన్నారు.
Similar News
News October 6, 2025
దేవరకొండ ప్రమాదంలో మృతుడు చారగొండ వాసి
దేవరకొండ మండలం కొండభీమనపల్లి వద్ద బైక్, లారీ ఢీకొని ప్రమాదం జరిగిన విషయం తెలిసిందే. మృతుడు నాగర్ కర్నూల్ జిల్లా చారగొండకు చెందిన కొట్ర శివగా గుర్తించినట్లు సీఐ వెంకటరెడ్డి తెలిపారు. మహిళ వివరాలు తెలియలేదని చెప్పారు. పోస్టుమార్టం నిమిత్తం ప్రభుత్వ ఆసుపత్రికి తరలించారు. లారీ చారకొండ వైపు వెళుతుండగా, శివ దేవరకొండ వెళుతున్నాడని స్థానికులు తెలిపారు.
News October 6, 2025
NLG: బాగా చదువుకోవాలి: కలెక్టర్
త్రిపురారంలో ఉన్న తెలంగాణ గిరిజన బాలికల సంక్షేమ మినీ గురుకులాన్ని, ప్రాథమిక వైద్య ఆరోగ్య కేంద్రాన్ని కలెక్టర్ ఇలా త్రిపాఠి ఆకస్మికంగా తనిఖీ చేశారు. ముందుగా గిరిజన బాలికల సంక్షేమ మినీ గురుకులాన్ని తనిఖీ చేసి సెలవుల తర్వాత పాఠశాలకు వచ్చిన విద్యార్థులతో కలెక్టర్ మాట్లాడారు. వారి పేర్లు, వివరాలు, ఇష్టం ఉన్న సబ్జెక్టులు తదితర అంశాలను ముచ్చటించారు. బాగా చదువుకోవాలని విద్యార్థులకు సూచించారు.
News October 6, 2025
దేవరకొండ విద్యార్థులకు గిన్నిస్ వరల్డ్ రికార్డ్
కరాటేలో శిక్షణ పొందిన పున్న శ్రీజన్, మాకం అఖిల్, తుటిక జయ సాయి కార్తీక్ తమ ప్రతిభతో గిన్నిస్ వరల్డ్ రికార్డును సాధించి దేశానికి గౌరవం తెచ్చారని మాస్టర్ టీ. చైతన్య తెలిపారు. చెన్నైలో వరల్డ్ కరాటే మాస్టర్స్ అసోసియేషన్ ఆధ్వర్యంలో జరిగిన కార్యక్రమంలో వీరు ఈ ఘనత సాధించారు. గిన్నిస్ అధికార ప్రతినిధి రిషినాథ్ చేతుల మీదుగా మాస్టర్ చైతన్య మెడల్, సర్టిఫికెట్ అందుకున్నారు.