News December 30, 2025
రాష్ట్రంలో 198 పోస్టులు.. నేటి నుంచి దరఖాస్తుల ఆహ్వానం
TGSRTCలో 198 ట్రాఫిక్, మెకానికల్ సూపర్వైజర్ ట్రైనీ పోస్టుల భర్తీకి TGPRB దరఖాస్తులు కోరుతోంది. డిగ్రీ, డిప్లొమా, BE, బీటెక్ అర్హతగల వారు నేటి నుంచి JAN 20 వరకు అప్లై చేసుకోవచ్చు. వయసు 18 – 25ఏళ్ల మధ్య ఉండాలి. రిజర్వేషన్ గలవారికి ఏజ్లో సడలింపు ఉంది. ఫిజికల్, మెడికల్ టెస్ట్, రాత పరీక్ష ద్వారా ఎంపిక చేస్తారు. వెబ్సైట్: www.tgprb.in * మరిన్ని ఉద్యోగ నోటిఫికేషన్ల కోసం<<-se_10012>> జాబ్స్ <<>>కేటగిరీకి వెళ్లండి.
Similar News
News February 20, 2026
వయసు కంటే వ్యక్తి.. కులం కంటే క్యారెక్టర్: మారిన పెళ్లి ట్రెండ్!
ఇండియన్ మ్యారేజ్ సిస్టమ్లో పదేళ్లలో ఎన్నో మార్పులు వచ్చాయి. ‘జీవన్ సాథీ’ ప్రకారం.. 2016-2025 మధ్య పెళ్లి ప్రయత్నాలు మొదలుపెట్టే సగటు వయసు 27 నుంచి 29 ఏళ్లకు చేరింది. నేటి యువత ‘సరైన వయసు’ కంటే ‘సరైన వ్యక్తి’నే ప్రిఫర్ చేస్తున్నారు. గతంలో 91% మంది కులానికి ప్రాధాన్యం ఇస్తే.. ఇప్పుడు అది 54%కి పడిపోయింది. ‘డ్యూయల్ ఇన్కమ్’ సంస్కృతి పెరిగింది. ఆర్థిక భద్రత కంటే ఎమోషనల్ బాండింగ్కే ఓటేస్తున్నారు.
News February 20, 2026
పసుపు ఉడకబెట్టే సమయంలో జాగ్రత్తలు
పసుపు దుంపలను తవ్విన 2 నుంచి 3 రోజుల్లోపలే దుంపలను ఉడికించాలి. దీనివల్ల మంచి నాణ్యత ఉంటుంది. ఆలస్యమైతే నాణ్యత తగ్గుతుంది. పసుపు దుంపలు, కొమ్ములను వేరుగావేరుగా ఉడకబెట్టాలి. మరీ ఎక్కువ ఉడకబెడితే రంగు చెడిపోతుంది. తక్కువగా ఉడకబెడితే దుంపలు పెళుసుగా మారి మెరుగు పెట్టేటప్పుడు ముక్కలుగా విరిగిపోతాయి. స్టీమ్ బాయిలర్లలో తక్కువ సమయంలో ఎక్కువ పసుపును ఉడికించి, నాణ్యతతో కూడిన పసుపు పొందవచ్చు.
News February 20, 2026
GREAT: ఓటమి నుంచి ప్రపంచ రికార్డుల వరకు!
మిస్టర్ బీస్ట్ తన యూట్యూబ్ ప్రస్థానాన్ని ప్రారంభించి 14 ఏళ్లు పూర్తయ్యాయి. ఈ సందర్భంగా ఆయన యువతలో స్ఫూర్తి నింపే పోస్ట్ చేశారు. మొదట్లో ఎవరూ తన వీడియోలు చూడలేదని, అందరూ తనను హేళన చేస్తూ సమయం వృథా అని విమర్శించారని గుర్తుచేసుకున్నారు. అయినప్పటికీ పట్టుదలతో శ్రమించి 468M సబ్స్క్రైబర్లతో Mr Beast ప్రపంచంలోనే టాప్ యూట్యూబర్గా ఎదిగారు. ఇప్పటివరకు ఆ ఛానల్కు 11వేల కోట్ల వ్యూస్ రావడం విశేషం.