News December 24, 2024
రాష్ట్రస్థాయి బ్యాంకర్లతో డిప్యూటీ సీఎం, మంత్రి భేటీ
ప్రజాభవన్‌లో రాష్ట్ర స్థాయి బ్యాంకర్ల కమిటీ సమావేశానికి డిప్యూటీ సీఎం భట్టి విక్రమార్క, మంత్రి తుమ్మల నాగేశ్వర రావు హాజరయ్యారు. ప్రజా ప్రభుత్వం పెద్ద ఎత్తున వ్యవసాయానికి, సంక్షేమ రంగాలకు ప్రాధాన్యతనిస్తుందన్నారు. అందుకు అనుగుణంగా మ్యాచింగ్ గ్రాంట్లు, సబ్సిడీ పథకాలు మంజూరు చేసి రాష్ట్ర ప్రజలకు సహకరించాలని డిప్యూటీ సీఎం సూచించారు. వ్యవసాయ రుణాల పంపిణీలో వేగం పెంచాలన్నారు.
Similar News
News December 24, 2024
పోలీసు అధికారులను అభినందించిన పోలీస్ కమిషనర్
హత్య కేసులో నిందితులకు శిక్ష పడే విధంగా కృషిచేసిన పోలీస్ అధికారులను మంగళవారం పోలీస్ కమిషనర్ సునీల్ దత్ అభినందించారు. అనంతరం పోలీస్ అధికారులకు సీపీ రివార్డులను అందజేశారు. 2019 SEP 10న పెనుబల్లి పోలీస్ స్టేషన్ పరిధి బ్రహ్మాళకుంటలో హత్య జరిగింది. ఈ కేసులో ఆరుగురికి జీవిత ఖైదు, రూ.10వేల జరిమానా, ఒకరికి ఐదేళ్ల జైలుశిక్ష రూ.5వేల జరిమానా పడేలా పోలీస్ అధికారులు కృషి చేశారని సీపీ పేర్కొన్నారు.
News December 24, 2024
ఖమ్మం వ్యవసాయ మార్కెట్‌కు సెలవులు
ఖమ్మం వ్యవసాయ మార్కెట్‌కు రెండు రోజులు సెలవులు ప్రకటిస్తున్నట్లు మార్కెట్ శాఖ అధికారులు ఓ ప్రకటనలో తెలిపారు. ఈనెల 25(రేపు)న క్రిస్టమస్, 26న బాక్సింగ్ డే సందర్భంగా రెండ్రోజులు సెలవులు ప్రకటించామన్నారు. ఈ రెండు రోజులు మార్కెట్లో క్రయవిక్రయాలు జరగవని అన్నారు. తిరిగి ఈనెల 27 నుంచి మార్కెట్లో క్రయవిక్రయాలు యథావిధిగా కొనసాగుతాయని తెలిపారు. ఈ విషయాన్ని రైతు సోదరులు గమనించాలని పేర్కొన్నారు.
News December 24, 2024
KTDM: తప్పుడు ప్రచారం చేస్తే చర్యలు: రేంజర్
వెంకటాపురం మండలంలో పెద్దపులి సంచరిస్తుందంటూ జరుగుతున్న ప్రచారంలో ఎలాంటి నిజం లేదని రేంజర్ చంద్రమౌళి అన్నారు. వెంకటాపురంలోని పలు ప్రాంతాల్లో పెద్దపులి సంచరిస్తుందని, వాగు వద్ద నీరు తాగిందని సోషల్ మీడియాలో తప్పుడు ప్రచారాలు చేస్తే సహించేది లేదని హెచ్చరించారు. తప్పుడు ప్రచారాల కారణంగా స్థానిక ప్రజలు భయాందోళనకు గురవుతున్నారన్నారు.