News November 27, 2025
రుద్రంగి: ఆర్ఓ కేంద్రాన్ని పరిశీలించిన ఇన్‌ఛార్జ్ కలెక్టర్
రుద్రంగిలో ఏర్పాటు చేసిన RO కేంద్రాన్ని ఇన్‌ఛార్జ్ కలెక్టర్ గరిమా అగర్వాల్ తనిఖీ చేశారు. హెల్ప్ డెస్క్, పోలీస్ బందోబస్తు తదితర అంశాలను క్షేత్రస్థాయిలో పరిశీలిస్తూ సపోర్టింగ్ స్టాఫ్ సరిపడా ఉన్నారా లేరా అని ఆరా తీశారు. నోటీసు బోర్డులపై నోటిఫికేషన్ పత్రాలను ప్రదర్శించారా అని అడిగారు. ఎలాంటి పొరపాట్లు లేకుండా నామినేషన్ల ప్రక్రియను నిర్వహించాలని, దరఖాస్తు ఫారాలు తీసుకున్నవారి వివరాలు నమోదు చేయాలన్నారు.
Similar News
News November 30, 2025
రబీ వరి నారు పోసుకునేందుకు సరైన సమయం
రబీ వరి సాగు చేసే రైతులు డిసెంబర్ 15 లోపు స్వల్పకాలిక రకాలతో నారుమడులు వేసుకోవాలని వ్యవసాయ నిపుణులు సూచిస్తున్నారు. అలాగే ఎద పద్ధతిలో సాగు చేసినప్పటికీ డిసెంబర్ 31లోపు విత్తుకోవాలి. ఇలా చేస్తే వరి కోత వచ్చే ఏడాది మార్చి నెలాఖరు నుంచి ఏప్రిల్ తొలి వారంలో పూర్తి చేయవచ్చు. దీని వల్ల ధాన్యం ముక్క అవ్వదు. అలాగే మార్చిలో కోతకు ముందు అపరాలు లేదా పచ్చిరొట్ట వేసుకోవడం వల్ల భూసారం కూడా పెరుగుతుంది.
News November 30, 2025
నెల్లూరు జిల్లా స్కూళ్లకు రేపు సెలవు
తుఫాన్ హెచ్చరికల నేపథ్యంలో నెల్లూరు జిల్లాలోని అన్ని పాఠశాలలకు విద్యాశాఖ సోమవారం సెలవు ప్రకటించింది. అన్ని ప్రభుత్వ, ప్రైవేట్ స్కూళ్లకు సెలవు ఇచ్చేలా DyEOs, MEOs, HMs అందరూ చర్యలు తీసుకోవాలని డీఈవో బాలాజీ రావు ఆదేశించారు. నెల్లూరులో సోమవారం జరగాల్సిన PGRS కూడా రద్దు చేశారని తెలిపారు.
News November 30, 2025
పెద్దపల్లి జిల్లా వార్డ్ సభ్యుల నామినేషన్లకు భారీ స్పందన
పెద్దపల్లి జిల్లా గ్రామపంచాయతీ ఎన్నికల్లో వార్డు సభ్యుల నామినేషన్ల దాఖలు నిన్నటితో ముగిసింది. చివరి రోజు అభ్యర్థుల రద్దీ అధికంగా ఉండడంతో పెద్ద సంఖ్యలో దరఖాస్తులు వచ్చాయి. మొత్తం 896 వార్డులకు 2,146 నామినేషన్లు దాఖలయ్యాయి. కమాన్ పూర్ 253, మంథని 615, ముత్తారం 339, రామగిరి 449, శ్రీరాంపూర్ 490 నామినేషన్లు సమర్పించారు. నామినేషన్ ప్రక్రియ మొత్తం శాంతియుతంగా సాగిందని జిల్లా ఎన్నికల అధికారులు తెలిపారు.