News August 16, 2024
రెండేళ్లలో ప్రభుత్వం పడిపోతుంది: రవీంద్రనాథ్
ఇచ్చిన హామీలను అమలు చేయకపోవడంతో కూటమి ప్రభుత్వం రెండు నెలల్లోనే ప్రజల విశ్వాసం కోల్పోయిందని మాజీ సీఎం జగన్ మేనమామ, కమలాపురం మాజీ ఎమ్మెల్యే రవీంద్రనాథ్ రెడ్డి అన్నారు. చిత్తూరు జిల్లా వి.కోటలోని వైసీపీ కార్యాలయంలో ఆయన మాట్లాడారు. ఇలాగే పరిపాలిస్తే రెండేళ్లలో ప్రభుత్వం పడిపోవడం ఖాయమని పేర్కొన్నారు. వైసీపీ నాయకులు, కార్యకర్తలను వేధిస్తున్నారని.. ప్రజా సంక్షేమాన్ని పట్టించుకోవడం లేదన్నారు.
Similar News
News January 11, 2025
BREAKING: తిరుపతిలో వ్యక్తిపై చిరుత పులి దాడి
ముని కుమార్ అనే వ్యక్తిపై చిరుత పులి దాడి చేసిన ఘటన తిరుపతిలోని సైన్స్ సెంటర్ ఎదురుగా చోటు చేసుకుంది. దీంతో బాధితుడిని స్థానిక ఆసుపత్రికి తరలించారు. బైక్‌పై వెళ్తుండగా ఒక్కసారిగా మునికుమార్‌పై చిరుత దాడిచేయడంతో కిందపడ్డాడు. గుర్తించిన స్థానికులు ఆసుపత్రికి తరలించారు. పట్టపగలే చిరుత దాడి చేయడంతో స్థానికులు భయాందోళనకు గురవుతున్నారు.
News January 11, 2025
నేను ఎక్కడికి పారిపోను: చెవిరెడ్డి
న్యాయం తనవైపు ఉందని, తాను ఎక్కడికి పారిపోనని YCP నేత చెవిరెడ్డి భాస్కర్ రెడ్డి అన్నారు. ఆయనపై నమోదైన పోక్సో కేసును కొట్టివేయాలంటూ వేసిన పిటిషన్‌ను హైకోర్టు కొట్టివేసిన నేపథ్యంలో ఆయన ఈ వాఖ్యలు చేశారు. ఈ కేసులో పోలీసులు చెప్పిదంతా అబద్ధం అన్న చెవిరెడ్డి.. తనకు సుప్రీంకోర్టులో అయినా న్యాయం దక్కుతుందని ధీమా వ్యక్తం చేశారు. అప్పటి వరకు తాను ఎక్కడికి వెళ్లనని, తన ఫోను కూడా ఆఫ్ చేయనని స్పష్టం చేశారు.
News January 11, 2025
13న పి.జీ.ఆర్.ఎస్ రద్దు : చిత్తూరు కలెక్టర్
13వ తేదీ ప్రజా ఫిర్యాదుల పరిష్కార వేదిక కార్యక్రమాన్ని రద్దు చేస్తున్నట్లు జిల్లా కలెక్టర్ సుమిత్ కుమార్ శుక్రవారం ఓ ప్రకటనలో తెలిపారు. సోమవారం భోగి పండుగ సందర్భంగా ప్రభుత్వ సెలవు దినం కావడంతో జిల్లా సచివాలయంలో నిర్వహించే ప్రజా ఫిర్యాదుల పరిష్కార వేదిక కార్యక్రమాన్ని రద్దు చేస్తున్నట్లు కలెక్టర్ తెలిపారు. జిల్లా ప్రజలు సహకరించాలని కోరారు.