News October 14, 2025
రేపు వరంగల్‌కు సీఎం.. షెడ్యూల్ ఇదే!
నర్సంపేట ఎమ్మెల్యే దొంతి మాధవరెడ్డి తల్లి కాంతమ్మ ఇటీవల మృతిచెందగా ఆమె దశదిన కార్యక్రమం సందర్భంగా సీఎం రేవంత్ రెడ్డి హనుమకొండలో మాధవరెడ్డిని బుధవారం పరామర్శించనున్నారు. మధ్యాహ్నం ఒంటిగంటకు హెలికాప్టర్ ద్వారా హన్మకొండ కలెక్టరేట్ కార్యాలయానికి వచ్చి, 1:15కి వడ్డేపల్లిలోని పీజీఆర్ గార్డెన్‌కు చేరుకుంటారు. పరామర్శ అనంతరం 1:45కి హనుమకొండ కలెక్టరేట్‌కు చేరుకొని హెలికాప్టర్ ద్వారా తిరుగు పయనం అవుతారు.
Similar News
News October 15, 2025
ఇండో-అమెరికన్ ఆష్లీ టెల్లిస్ అరెస్ట్
ఇండో అమెరికన్ ఆష్లీ టెల్లిస్(64)ను వర్జీనియాలో అరెస్టు చేశారు. ఆయన US డిపార్ట్‌మెంట్ ఆఫ్ స్టేట్‌లో సీనియర్ అడ్వైజర్‌గా ఉన్నారు. ఆయన జాతీయ రక్షణకు సంబంధించి టాప్ సీక్రెట్స్ దొంగిలించారని, చైనా అధికారులను కలిశారని ఆరోపణలు ఉన్నట్లు US మీడియా పేర్కొంది. ఈయన ముంబైలో జన్మించారు. ఆష్లీ టెల్లిస్ విదేశాంగ విధాన నిపుణుడు, వ్యూహకర్త. అంతర్జాతీయ భద్రత, రక్షణ, ఆసియా వ్యూహాత్మక అంశాలపై విశేష ప్రావీణ్యం ఉంది.
News October 15, 2025
రామాయంపేట: ఇంట్లో ఉరివేసుకొని వ్యక్తి ఆత్మహత్య
ఇంట్లో వ్యక్తి ఉరివేసుకొని ఆత్మహత్య చేసుకున్న ఘటన రామాయంపేట మండలంలో చోటుచేసుకుంది. స్థానికులు తెలిపిన వివరాలు.. మండల పరిధిలోని ఝాన్సీ లింగాపూర్ గ్రామపంచాయతీ పరిధి సదాశివనగర్ తండాలో మంగళవారం రాత్రి మున్యా(36) తన ఇంట్లో ఉరేసుకొని ఆత్మహత్య చేసుకున్నారు. విషయం తెలుసుకున్న రామాయంపేట ఎస్సై బాలరాజు ఘటనా స్థలానికి చేరుకుని విచారణ చేపట్టారు.
News October 15, 2025
తిర్యాణి: యూట్యూబర్‌కు 14 రోజులు రిమాండ్
తిర్యాని మండలం మంగి పాతగూడకు చెందిన యూట్యూబ్ వెంకటేశ్‌కు ఆసిఫాబాద్ కోర్టు 14 రోజుల రిమాండ్ విధించినట్లు తిర్యాణి ఎస్ఐ వెంకటేశ్ తెలిపారు. 3 రోజుల క్రితం యూట్యూబర్ వెంకటేశ్ ఓ సామాజిక వర్గాన్ని దూషిస్తూ సోషల్ మీడియాలో పోస్ట్ చేయడంతో ఆ పోస్టు వైరల్‌గా మారింది. సదరు వర్గానికి చెందిన నాయకులు అతడిపై పిర్యాదు చేయడంతో కోర్టు అతడికి 14 రోజులు రిమాండ్ విధించినట్లు ఎస్ఐ వెల్లడించారు.