News August 24, 2025
రేపు వరంగల్ మార్కెట్ ప్రారంభం
రెండు రోజుల విరామం అనంతరం వరంగల్ ఎనుమాముల వ్యవసాయ మార్కెట్ సోమవారం పున:ప్రారంభం కానుంది. శనివారం అమావాస్య, ఆదివారం వారాంతపు సెలవులు కావడంతో మార్కెట్ బంద్ ఉంది. రేపు ప్రారంభం కానుండగా.. రైతులు నాణ్యమైన సరకులను మార్కెటుకు తీసుకొని వచ్చి మంచి ధర పొందాలని అధికారులు సూచించారు. కాగా ఉదయం 6 గంటల నుంచి మార్కెట్లో కొనుగోళ్లు ప్రారంభం కానున్నాయి.
Similar News
News August 24, 2025
మక్తల్: గుర్తుతెలియని బొలెరో వాహనం ఢీకొని బాలిక మృతి
రోడ్డుపై నడుచుకుంటూ వెళ్తున్న ఓ బాలిక బొలెరో వాహనం ఢీకొని మృతి చెందిన ఘటన ఆదివారం రాత్రి మక్తల్ మండల పరిధిలోని సంఘం బండ గ్రామ సమీపంలో చోటుచేసుకుంది. స్థానికుల కథనం మేరకు.. గ్రామ సమీపంలో నివాసం ఉంటున్న కృష్ణవేణి(12) రోడ్డుపై నడుచుకుంటూ వెళ్తోంది. ఈ క్రమంలో గుర్తుతెలియని ఓ బొలెరో తనను ఢీ కొట్టింది. దీంతో తలకు తీవ్ర గాయమై అక్కడికక్కడే మృతి చెందింది. ఘటనపై పోలీసులు విచారణ చేపట్టారు.
News August 24, 2025
ఎన్టీఆర్ జిల్లాలో టుడే టాప్ న్యూస్
☞ సెప్టెంబర్ 7న దుర్గమ్మ గుడి మూసివేత
☞ అనిగండ్లపాడులో క్షుద్ర పూజలు కలకలం
☞ వత్సవాయిలో మహిళ సూసైడ్
☞ నందిగామలో భారీ కొండచిలువ
☞ చందర్లపాడులో రౌడీ షీటర్లకు కౌన్సెలింగ్
☞ నిడమానూరు వద్ద ప్రమాదం.. ఒకరి మృతి
☞ కంచికచర్లలో చేతికొచ్చిన మినప పంట.. తగ్గిన ధరలు
News August 24, 2025
రాత్రి కొబ్బరినూనె తాగితే ఎన్ని ప్రయోజనాలంటే?
రోజూ రాత్రి పడుకునే ముందు కొబ్బరినూనె తాగితే ఎన్నో ఆరోగ్య ప్రయోజనాలు ఉంటాయని ఆయుర్వేద వైద్యులు చెబుతున్నారు. ‘రాత్రి ఒక టీస్పూన్ కొబ్బరినూనె తీసుకోవాలి. తర్వాత ఒక గ్లాసు గోరు వెచ్చటి నీళ్లు తాగాలి. ఇలా చేస్తే శరీరంలో పైత్యరసం సక్రమంగా ఉత్పత్తి జరిగి మలబద్ధకం తగ్గుతుంది. ఒత్తిడి, ఆందోళన తగ్గి గాఢ నిద్ర పడుతుంది. లివర్‌, శరీరంలో కొవ్వు కరిగి బరువు కూడా తగ్గుతారు’ అని సూచిస్తున్నారు.