News December 26, 2025
రైతు భరోసా పథకం రద్దు.. క్లారిటీ
TGలో రైతు భరోసా పథకాన్ని నిలిపివేస్తున్నారంటూ జరుగుతున్న ప్రచారాన్ని ప్రభుత్వానికి చెందిన ‘తెలంగాణ ఫ్యాక్ట్ చెక్’ ఖండించింది. అలాంటి వార్తలు పూర్తిగా అవాస్తవమని, నిరాధారమైనవని తేల్చిచెప్పింది. ప్రస్తుతం లబ్ధిదారులకు మాత్రమే సాయం అందేలా గ్రౌండ్ వెరిఫికేషన్ జరుగుతోందన్నారు. రాష్ట్రవ్యాప్తంగా 65లక్షల మందికి పైగా ఈ పథకం ద్వారా లబ్ధి పొందుతున్నారని, సర్కార్ ఎలాంటి షరతులు విధించలేదని స్పష్టం చేసింది.
Similar News
News January 8, 2026
క్రమ పద్ధతిలో హిందువులపై దాడులు: షేక్ హసీనా
బంగ్లాదేశ్లో హిందువులపై జరుగుతున్న దాడులను భారత్లో ఆశ్రయం పొందుతున్న ఆ దేశ మాజీ ప్రధానమంత్రి షేక్ హసీనా తీవ్రంగా ఖండించారు. అక్కడ మైనారిటీలపై ఒక క్రమ పద్ధతిలో దాడులు జరుగుతున్నాయని NDTVతో చెప్పారు. ఈ హింసను యూనస్ నేతృత్వంలోని తాత్కాలిక ప్రభుత్వమే అనుమతిస్తోందని ఆరోపించారు. ప్రజలకు రక్షణ కల్పించే విషయంలో సర్కార్ పూర్తిగా విఫలమైందన్నారు. శిక్ష పడుతుందనే భయం దోషుల్లో లేకుండా పోయిందన్నారు.
News January 8, 2026
హార్దిక్ విధ్వంసం.. 31 బంతుల్లోనే
విజయ్ హజారే ట్రోఫీలో హార్దిక్ పాండ్య(బరోడా) సూపర్ ఫామ్ కొనసాగిస్తున్నారు. ఇవాళ చండీగఢ్పై 19 బంతుల్లోనే హాఫ్ సెంచరీ చేసిన ఆయన మొత్తంగా 31 బాల్స్లో 75 రన్స్(9 సిక్సర్లు, 2 ఫోర్లు) బాదారు. ప్రియాంశ్(113), విష్ణు(54), జితేశ్(73) రాణించడంతో బరోడా 391 రన్స్ చేసింది. కాగా విదర్భపై తొలి మ్యాచ్లోనూ హార్దిక్ 92 బంతుల్లో 133 రన్స్(11 సిక్సర్లు, 8 ఫోర్లు) చేసిన విషయం తెలిసిందే.
News January 8, 2026
ఉల్లికాడలతో ఎన్నో లాభాలు
ఉల్లికాడలను ఆహారంలో చేర్చుకోవడం వల్ల ఎన్నో లాభాలున్నాయంటున్నారు నిపుణులు. ముఖ్యంగా మహిళల ఎముకలు దృఢంగా ఉండాలంటే సి విటమిన్ ఉన్న ఈ ఉల్లికాడలు ఎక్కువగా తీసుకోవాలి. అలాగే ఇందులోని యాంటీ బ్యాక్టీరియల్ గుణాలు దగ్గూ, జలుబూ రాకుండా చూస్తాయి. రక్తంలోని షుగర్, గ్లూకోజ్ శాతాన్ని అదుపులో ఉంచడంతో పాటు గర్భాశయ ముఖద్వార క్యాన్సర్ బారిన పడకుండా కాపాడతాయి. అలాగే ఇవి కంటి చూపునూ మెరుగుపరుస్తాయి.