News February 17, 2025

రోడ్డు ప్రమాదంలో గాజువాక యువకుడి మృతి

గాజువాకకు చెందిన కర్రీ సాయికిరణ్(17) పెళ్లికి వెళ్లి తిరిగి వస్తుండగా బైక్‌ అదుపుతప్పి బండరాయిను ఢీకొట్టడంతో తీవ్రంగా గాయపడ్డాడు. G.మాడుగుల(M) గుదలం వీధి మలుపు వద్ద ఈ ఘటన జరిగిందని పోలీసులు తెలిపారు. సమయానికి అంబులెన్స్ రాకపోవడంతో పోలీసుల సహాయంతోనే పాడేరు తరలించారు. అక్కడి నుంచి కేజీహెచ్‌కు తీసుకొస్తుండగా మృతి చెందినట్లు తెలిపారు. సాయి కిరణ్ మృతితో చైతన్య నగర్‌లో విషాదఛాయలు అలుముకున్నాయి.