News November 9, 2024
ర్యాగింగ్‌కు పాల్పడితే కఠిన చర్యలు: పీయూ రిజిస్ట్రార్
ర్యాగింగ్‌కు పాల్పడితే కఠిన చర్యలు తప్పవని పాలమూరు యూనివర్సిటీ రిజిస్ట్రార్ డాక్టర్ మధుసూధన్ రెడ్డి హెచ్చరించారు. శుక్రవారం పాలమూరు యూనివర్సిటీలోని బాయ్స్ హాస్టల్‌ను ఆకస్మికంగా తనిఖీ చేశారు. వంట గదిలో ఏవైనా సమస్యలు ఉంటే తమ దృష్టికి తీసుకురావాలన్నారు. సీజనల్ వ్యాధులు ప్రబలే అవకాశం ఉన్నందున వంట గదులు, పరిసర ప్రాంతాలు శుభ్రంగా ఉంచుకోవాలన్నారు. పాలమూరు యూనివర్సిటీ సిబ్బంది పాల్గొన్నారు.
Similar News
News November 13, 2024
MBNR: గ్రూప్-3 పరీక్ష సజావుగా నిర్వహించాలి: కలెక్టర్
ఈ నెల 17,18 తేదీలలో నిర్వహించే గ్రూప్-3 పరీక్ష జిల్లాలో సజావుగా నిర్వహించాలని MBNR అదనపు కలెక్టర్ శివేంద్ర ప్రతాప్ అన్నారు. మంగళవారం కలెక్టరేట్‌లో పరీక్ష నిర్వహణకు సంబంధించి చీఫ్ సూపరింటెండెంట్, డిపార్ట్‌మెంట్ ఆఫీసర్, రూట్ ఆఫీసర్లు, ఫ్లయింగ్ స్వ్కాడ్, పోలీస్ అధికారులతో శిక్షణ తరగతులను నిర్వహించారు. MBNR, దేవరకద్రలలో 52 పరీక్షా కేంద్రాల్లో 19,465 మంది అభ్యర్థులు పరీక్ష రాస్తున్నట్లు తెలిపారు.
News November 12, 2024
వెల్దండ: ప్రియుడితో కలిసి భర్తను చంపిన భార్య
వెల్దండ మండలం మహాత్మాగాంధీ తండా సమీపంలో వారం రోజుల క్రితం జరిగిన మర్డర్ కేసును పోలీసులు చేధించారు. రాజు అనే వ్యక్తిని అతని భార్య హిమబిందు, ఆమె ప్రియుడు, మరోవ్యక్తి కలిసి హత్య చేసినట్లు జిల్లా ఎస్పీ గైక్వాడ్ వైభవ్ రఘునాథ్ తెలిపారు. మంగళవారం సాయంత్రం నిందితులను పోలీసులు అదుపులోకి తీసుకొని మీడియా ముందు ప్రవేశపెట్టారు. ముగ్గురు నిందితులను రిమాండ్‌కు తరలిస్తున్నట్లు వివరించారు.
News November 12, 2024
MBNR: ఈనెల 15న ఉమ్మడి జిల్లా బాక్సింగ్ ఎంపికలు
MBNR జిల్లా కేంద్రంలోని ఇండోర్ స్టేడియంలో ఈనెల 15న స్కూల్ గేమ్స్ ఫెడరేషన్ ఉమ్మడి జిల్లా స్థాయి అండర్ 8-14, అండర్-17 విభాగాల బాలబాలికల బాక్సింగ్ ఎంపికలు నిర్వహిస్తున్నట్లు ఎసీఎఫ్ జిల్లా కార్యనిర్వాహక కార్యదర్శి శారదాబాయి తెలిపారు. ఎంపికల్లో పాల్గొనే వారు పాఠశాల బోనఫైడ్, ఆధార్ కార్డు జిరాక్స్‌తో ఉ.10 గంటలకు హాజరు కావాలని కోరారు.