News January 21, 2026
వందే భారత్ స్లీపర్.. హాట్ కేకుల్లా టికెట్లు
కొత్తగా <<18880130>>అందుబాటులోకి<<>> వచ్చిన వందే భారత్ స్లీపర్ రైలుకు భారీ డిమాండ్ నెలకొంది. హౌరా(బెంగాల్)-కామాఖ్య(అస్సాం) మధ్య కొత్తగా ప్రారంభించిన సర్వీసు టికెట్లు హాట్ కేకుల్లా అమ్ముడయ్యాయి. నిన్న 8AMకు బుకింగ్ ఓపెన్ కాగా గంటల్లోనే సీట్లన్నీ ఫుల్ అయ్యాయి. ఫస్ట్ AC టికెట్లు వారం వరకు వెయిటింగ్ లిస్టు చూపిస్తుండటం గమనార్హం. ఈనెల 23 నుంచి సర్వీసులు కొనసాగనున్నాయి. టికెట్ రేట్లు రూ.2,435-3,855 మధ్య ఉన్నాయి.
Similar News
News February 14, 2026
T20WC నుంచి ఒమన్ ఔట్
ఇవాళ ఐర్లాండ్ చేతిలో ఓటమితో T20WC-2026 నుంచి ఎలిమినేట్ అయిన తొలి జట్టుగా ఒమన్ నిలిచింది. గ్రూప్-Bలో ఉన్న ఆ జట్టు లీగ్ దశలో ఆడిన 3 మ్యాచుల్లోనూ ఓడింది. దీంతో మరొక మ్యాచ్ మిగిలి ఉండగానే టోర్నీ నుంచి నిష్క్రమించింది. ఇదే గ్రూపులో శ్రీలంక, జింబాబ్వే ఆడిన రెండు మ్యాచుల్లోనూ విజయాలతో 1, 2 స్థానాల్లో కొనసాగుతున్నాయి. అటు లీగ్ దశలో ఒమన్ తన చివరి మ్యాచ్ను FEB 20న ఆస్ట్రేలియాతో ఆడనుంది.
News February 14, 2026
AP వ్యవసాయ రంగం వృద్ధి రేటు 7.83 శాతం: అచ్చెన్న
భారత వ్యవసాయ రంగంలో ఆంధ్రప్రదేశ్ వాటా 10 శాతంగా ఉందని, వ్యవసాయ రంగంలో AP 7.83% వృద్ధి రేటు సాధించిందని మంత్రి అచ్చెన్నాయుడు బడ్జెట్ సందర్భంగా వెల్లడించారు. ఖరీఫ్ సీజన్ ధాన్యం కొనుగోళ్లు జరిపి రికార్డు స్థాయిలో 24 గంటల్లోనే రూ.9 వేల కోట్లను రైతుల ఖాతాల్లో జమ చేశామని చెప్పారు. అన్నదాత సుఖీభవ-PM కిసాన్ కింద 2025-26లో రూ.6,309 కోట్లు చెల్లించామని.. 2026-27లో దానిని రూ.6,600 కోట్లకు పెంచామన్నారు.
News February 14, 2026
బంగినపల్లి మామిడి@ టన్ను రూ.1.75 లక్షలు
AP: మామిడి పండ్లకు రికార్డు స్థాయి ధరలు పలుకుతున్నాయి. తోతాపురి టన్ను ధర ₹1.10 లక్షలకు చేరగా, బంగినపల్లి మామిడి(కవర్లు కట్టి సాగు చేసినవి)కి ₹1.75 లక్షల రేటు పలికింది. దీంతో ఎన్టీఆర్ జిల్లాలోని రైతులకు కాసుల వర్షం కురుస్తోంది. గతంతో పోలిస్తే ఈ రేటు ₹50వేలు ఎక్కువ కావడం విశేషం. కాయల నాణ్యత తగ్గకుండా ఉండేందుకు వాటికి కవర్లను(ఒక్కో కవర్ ₹2) కడుతుంటారు. వీటికి ప్రభుత్వం 50% సబ్సిడీ కూడా ఇస్తుంది.