News November 20, 2025
వనపర్తిలో ఈనెల 22న జాబ్ మేళా
నిరుద్యోగ యువతకు ఉద్యోగావకాశాలు కల్పించేందుకు ఈ నెల 22న 10.30 గంటలకు వనపర్తిలోని రామాలయం దగ్గర ఉన్న పీఎంకేకే సెంటర్‌లో జాబ్ మేళా నిర్వహిస్తున్నట్లు జిల్లా ఉపాధి కల్పన అధికారి డి.వెంకటేశ్వర రాజు తెలిపారు. 18 నుంచి 35 ఏళ్లు, SSC/ITI/డిగ్రీ విద్యార్హతలు ఉన్నవారు అర్హులని చెప్పారు. ఎంపికైన వారికి హైదరాబాద్/వనపర్తిలోని వివిధ కంపెనీల్లో ఉద్యోగాలు లభిస్తాయని, వివరాలకు 9848776371ను సంప్రదించాలని కోరారు.
Similar News
News November 21, 2025
గాజాపై ఇజ్రాయెల్ దాడులు.. 33 మంది మృతి
గాజాపై ఇజ్రాయెల్ మరోసారి విరుచుకుపడింది. ఖాన్ యూనిస్ సిటీలో గురువారం జరిగిన దాడుల్లో 33 మంది పాలస్తీనియన్లు మరణించినట్లు గాజా సివిల్ డిఫెన్స్ ఏజెన్సీ వెల్లడించింది. OCT 11న సీజ్‌ఫైర్ అమల్లోకి వచ్చినప్పటి నుంచి Israel దాడుల్లో కనీసం 211 మంది చనిపోయారని, 597 మంది గాయపడ్డారని పేర్కొంది. కాల్పుల విరమణ ఒప్పందం వల్ల ఎలాంటి మార్పూ రాలేదని, దాడులు కొనసాగుతూనే ఉన్నాయని పాలస్తీనియన్లు ఆవేదన చెందుతున్నారు.
News November 21, 2025
గద్వాల జిల్లాలో మహిళా ఓటర్లే ఆధిక్యం
గద్వాల జిల్లాలో మొత్తంలో 255 జీపీలలో 2,390 వార్డులు ఉన్నాయి. ఒక్కొక్క వార్డుకు ఓ పోలింగ్ కేంద్రాన్ని ఏర్పాటు చేస్తున్నట్లు సెప్టెంబర్‌లో జాబితాను అధికారులు ప్రకటించారు. జిల్లా మొత్తం ఓటర్లు 3,99,418 మంది ఉండగా అందులో పురుషులు 1,93,637, మహిళలు 1,99,781 ఉన్నారు. 6154 మహిళ ఓటర్లు ఆధిక్యంలో ఉన్నారు. ఈనెల 21 నుంచి 23 వరకు మరోసారి మార్పులకు, చేర్పులకు అవకాశం కల్పించి ఫైనల్ చేయనున్నారు.
News November 21, 2025
APPLY NOW: CLRIలో ఉద్యోగాలు
CSIR-సెంట్రల్ లెదర్ రీసెర్చ్ ఇన్‌స్టిట్యూట్ (CLRI)14 పోస్టుల భర్తీకి దరఖాస్తులు కోరుతోంది. అర్హతగల అభ్యర్థులు DEC 22లోపు అప్లై చేసుకోవచ్చు. పోస్టును బట్టి MSc, BE, B.Tech, M.Tech, ఎంఫార్మసీ, MVSc, MCA, MBA ఉత్తీర్ణతతో పాటు NET/GATE అర్హతతో పాటు పని అనుభవం గల అభ్యర్థులు అర్హులు. DEC 22న రాత పరీక్ష, 23న ఇంటర్వ్యూ నిర్వహిస్తారు. వెబ్‌సైట్: https://www.clri.org/