News February 20, 2025
వనపర్తి: కంటి పరీక్షల కేంద్రాన్ని సందర్శించిన DMHO
ప్రభుత్వ పాఠశాలలో చదువుతున్న విద్యార్థుల దృష్టిలోపం నివారణ కోసం చేపట్టిన కంటి పరీక్షలు పకడ్బందీగా నిర్వహిస్తున్నట్లు వనపర్తి డీఎంహెచ్ఓ శ్రీనివాసులు అన్నారు. గురువారం వనపర్తి జిల్లా ఆసుపత్రిలో కంటి వైద్యులు విద్యార్థులకు నిర్వహిస్తున్న కంటి పరీక్షల కేంద్రాన్ని ఆయన సందర్శించారు. ఆయన మాట్లాడుతూ.. రెండో విడతలో విద్యార్థులకు నిర్వహిస్తున్న కంటి పరీక్షలను త్వరలో పూర్తి చేయనున్నట్టు తెలిపారు.
Similar News
News September 18, 2025
తప్పిపోయిన చిన్నారుల ఆచూకీ లభ్యం
తుర్కపల్లి మండలం రుస్తాపురం సమీపంలోని చోక్లా తండాలో తప్పిపోయిన ఇద్దరు చిన్నారులను పోలీసులు గుర్తించి, వారి తల్లిదండ్రులకు అప్పగించారు. బస్వాపూర్ ప్రాజెక్టు పనుల కోసం మధ్యప్రదేశ్, బిహార్ నుంచి వచ్చిన కూలీల పిల్లలు గురువారం ఉదయం తప్పిపోయారు. తల్లిదండ్రులు తుర్కపల్లి పోలీస్ స్టేషన్‌లో ఫిర్యాదు చేశారు. కేసు నమోదు చేసిన పోలీసులు గాలింపు చర్యలు చేపట్టి, కొద్దిసేపటికే చిన్నారుల ఆచూకీ గుర్తించారు.
News September 18, 2025
జనగామ జిల్లాలో నిరుద్యోగుల నిరీక్షణ!
రాష్ట్ర ప్రభుత్వం ప్రతిష్ఠాత్మకంగా అమలు చేస్తామని చెప్పిన రాజీవ్ యువ వికాసం పథకంపై నీలినీడలు కమ్ముకున్నాయి. జూన్ 2న రాష్ట్ర ఆవిర్భావం సందర్భంగా రూ.50వేల యూనిట్లను కేటాయిస్తామని చెప్పిన ప్రభుత్వం నెలలు గడుస్తున్నా యూనిట్లు కేటాయించకపోవడంతో నిరుద్యోగులు నిరాశ చెందుతున్నారు. జనగామ జిల్లాలో 32వేల మంది దరఖాస్తు చేసుకున్నారు. ప్రభుత్వం నుంచి స్పష్టత లేకపోవడంతో యువత ఆశలు సన్నగిల్లుతున్నాయి.
News September 18, 2025
అర్హులైన వారెవరికీ పెన్షన్లు తొలగించలేదు: మంత్రి
AP: రాష్ట్రంలో అర్హులైన వారందరికీ ప్రభుత్వం పెన్షన్లు ఇస్తోందని శాసనమండలిలో మంత్రి కొండపల్లి శ్రీనివాస్ స్పష్టం చేశారు. అర్హులైన వారెవరికీ పెన్షన్లు తొలగించలేదని, నోటీసులు అందిన వారికి 2 నెలల్లో వెరిఫికేషన్ పూర్తిచేయాలని వైద్యశాఖకు చెప్పామన్నారు. లబ్ధిదారులు చనిపోతే వారి ఫ్యామిలీలో మరొకరికి పెన్షన్ ఇస్తున్నట్లు తెలిపారు. 50-59 ఏళ్ల వయసున్న వారిలో 11.98 లక్షల మంది పెన్షన్ పొందుతున్నారని చెప్పారు.