News November 30, 2025
వనపర్తి: నామినేషన్ల ఉపసంహరణకు డిసెంబరు 3 గడువు
గ్రామ పంచాయతీ ఎన్నికల్లో భాగంగా తొలి విడత నామినేషన్లు వేసిన అభ్యర్థులు తమ నామినేషన్ల ఉపసంహరణకు డిసెంబరు 3వ తేదీని గడువుగా ఎన్నికల అధికారి ఆదర్శ్ సురభి విధించారు. అదే రోజు మధ్యాహ్నం 3 గంటల తర్వాత బరిలో నిలిచిన అభ్యర్థుల జాబితాను ప్రకటించి, ఎన్నికల గుర్తులను కేటాయిస్తారు. డిసెంబరు 11న పోలింగ్ నిర్వహించి, అదే రోజు మధ్యాహ్నం 2 గంటల నుంచి ఓట్ల లెక్కింపు ఉంటుందని తెలిపారు.
Similar News
News November 30, 2025
తుఫాన్ ఎఫెక్ట్.. ప్రకాశం జిల్లాకు RED ALERT.!
ప్రకాశం జిల్లాకు దిత్వా తుఫాన్ నేపథ్యంలో వాతావరణ శాఖ అధికారులు రెడ్ అలర్ట్ జారీ చేశారు. ఇప్పటికే జిల్లాలోని పలు ప్రాంతాల్లో మోస్తరు వర్షాలు కురుస్తున్నాయి. రేపు ఈదురు గాలులతో కూడిన భారీ వర్షాలు కురిసే అవకాశం ఉన్నట్లు వాతావరణ శాఖ ప్రకటించింది. కాబట్టి భారీ వృక్షాల వద్ద, పాత భవనాల్లో ఉండే ప్రజలు సురక్షిత ప్రాంతాలకు చేరాలని వారు సూచించారు. నెల్లూరు జిల్లాలో కూడా RED ALERT ప్రకటించిన విషయం తెలిసిందే.
News November 30, 2025
HYD: ఓపెన్ ప్లాట్లు, FLATS కొనే ప్రజలకు ఇబ్బందులు!
ఓపెన్ ప్లాట్లు, FLATS కొనే ప్రజలకు ఇబ్బందులు తప్పడం లేదు. HMDA అనుమతులు ఉన్నా సరే.. అవి ‘బిల్డ్ నౌ’ ఆన్లైన్ సైట్‌లో చూపించకపోవడంతో ఇబ్బందులు ఎదుర్కోవాల్సి వస్తోంది. ప్రతి విషయానికి కార్యాలయంలో చుట్టూ ప్రదక్షిణలు చేస్తున్నారు. ‘బిల్డ్ నౌ’ సైట్‌లో వివరాలు అప్డేట్ కాకపోవడంతో, అందుకే కార్యాలయాలకు వెళ్లాల్సి వస్తుంది. దీనిపై సంబంధిత శాఖ అధికారులు చర్యలు తీసుకుంటే బాగుంటుందని ప్రజలు అభిప్రాయపడుతున్నారు.
News November 30, 2025
తిరుపతి: ఆ ఎమ్మెల్యేపై ఇంటర్నల్ విజిలెన్స్ ఎంక్వయిరీ…?
చంద్రగిరి ఎమ్మెల్యే పులివర్తి నానిపై అదే నియోజకవర్గానికి చెందిన దేవర మనోహర్ DCM పవన్ కళ్యాణ్‌కు ఫిర్యాదు చేయడం విధితమే. ఈ విషయాన్ని DCM, సీఎం దృష్టికి తీసుకెళ్లినట్లు సమాచారం. దీనిపై సీఎం చంద్రబాబు ఇంటర్నల్ ఎంక్వైరీకి ఆదేశాలు జారీ చేశారట. చంద్రగిరిలో నిజంగానే అక్రమాలలో వాస్తవాలను తెలుసుకొనేందుకు ఇంటర్నల్ ఇంటెలిజెన్స్ విచారణ ప్రారంభించినట్లు గుసగుసలు వినిపిస్తున్నాయి.