News September 16, 2025
వనపర్తి: పోక్సో చట్టంపై అవగాహన కల్పించాలి: కలెక్టర్
ఉపాధ్యాయులు విద్యార్థులకు పోక్సో చట్టంపై నిరంతరం అవగాహన కల్పించాలని కలెక్టర్ ఆదర్శ్ సురభి అన్నారు. మంగళవారం ఐడీఓసీ సమావేశ మందిరంలో ఎస్పీ గిరిధర్‌తో కలిసి ఉపాధ్యాయులకు ఈ చట్టంపై అవగాహన కల్పించారు. సమాజంలో చిన్నారులపై నేరాలను అరికట్టడంలో ఉపాధ్యాయుల పాత్ర చాలా ముఖ్యమని కలెక్టర్, ఎస్పీలు తెలిపారు. విద్యార్థులకు ఈ చట్టం గురించి బోధించాలని, ఏదైనా సమస్య ఉంటే వెంటనే పోలీసులకు సమాచారం ఇవ్వాలని సూచించారు.
Similar News
News September 16, 2025
ప్రజా పాలన దినోత్సవానికి అన్ని ఏర్పాట్లు పూర్తి: కలెక్టర్
జిల్లా కేంద్రంలోని ఐడిఓసీ కార్యాలయంలో బుధవారం జరిగే ప్రజాపాలన దినోత్సవానికి అన్ని ఏర్పాట్లు పూర్తయ్యాయని కలెక్టర్ రాహుల్ శర్మ తెలిపారు. ఉదయం 10 గంటలకు ముఖ్య అతిథి జాతీయ జెండాను ఆవిష్కరించి ప్రసంగిస్తారని చెప్పారు. ఈ కార్యక్రమానికి అధికారులు, సిబ్బంది సమయానికి హాజరు కావాలని ఆదేశించారు.
News September 16, 2025
కొడంగల్: 3న కొడంగల్‌కు సీఎం రేవంత్ రెడ్డి.!
రాష్ట్ర సీఎం రేవంత్ రెడ్డి అక్టోబర్ 3న కొడంగల్‌కు రానున్నారు. సొంత గ్రామం కొండారెడ్డిపల్లిలో దసరా సంబరాల తర్వాత కొడంగల్ వెళ్లడం ఆయన ఆనవాయితీగా చేసుకున్నారు. పార్టీ శ్రేణులతో కలిసి మాటామంతి, నియోజకవర్గ ప్రజలకు శుభాకాంక్షలు తెలియజేయనున్నట్లు సమాచారం.
News September 16, 2025
భద్రకాళి ఆలయంలో హుండీల లెక్కింపు
వరంగల్ భద్రకాళి ఆలయంలో హుండీ లెక్కింపు మంగళవారం నిర్వహించారు. ఈ లెక్కింపులో ఆలయానికి రూ. 61,58,999 ఆదాయం లభించింది. నగదుతో పాటు 316 యూఎస్‌ఏ డాలర్లు, 15 యూఏఈ దిరమ్స్‌తో పాటు ఇతర విదేశీ కరెన్సీ కూడా వచ్చాయి. ఈ మొత్తాన్ని బ్యాంకులో జమ చేశారు.