News November 30, 2025
వనపర్తి: 87 గ్రామ పంచాయతీలకు 695 నామినేషన్లు
వనపర్తి జిల్లాలో మొదటి విడతలోని 87 గ్రామ పంచాయతీలకు నామినేషన్ల ప్రక్రియ నిన్నటితో ముగిసింది. మొత్తం 695 సర్పంచ్ నామినేషన్లు దాఖలు అయ్యాయని అధికారులు తెలిపారు. చివరి రోజు ఒక్కరోజే 463 మంది సర్పంచ్ అభ్యర్థులు నామినేషన్ వేశారు. అలాగే, మొదటి విడతలోని 780 వార్డులకు మొత్తం 2,015 వార్డు సభ్యుల నామినేషన్లు దాఖలయ్యాయి.
Similar News
News November 30, 2025
‘క్షమాభిక్ష’ కోరిన ఇజ్రాయెల్ ప్రధాని.. కారణమిదే!
ఇజ్రాయెల్ ప్రధాని నెతన్యాహు సుదీర్ఘ కాలంగా అవినీతి ఆరోపణలు ఎదుర్కొంటున్నారు. ఈ విషయంలో క్షమాభిక్ష ప్రసాదించాలని దేశ ప్రెసిడెంట్ ఐజాక్ హెర్జోగ్‌ను ఆయన కోరారు. క్షమాభిక్ష అభ్యర్థన తమకు అందిందని, ఇది అసాధారణమని అధ్యక్ష కార్యాలయం తెలిపింది. దీనిపై అభిప్రాయాల స్వీకరణ తర్వాత ప్రెసిడెంట్ పరిశీలిస్తారని చెప్పింది. నెతన్యాహును క్షమించాలంటూ ఈ నెల మొదట్లో ఐజాక్‌కు అమెరికా అధ్యక్షుడు ట్రంప్ లేఖ రాశారు.
News November 30, 2025
ప.గో: రేపు పెన్షన్ పంపిణీకి సర్వం సిద్ధం.!
ప.గో జిల్లాలో 2,25,132 మంది లబ్ధిదారులకు రూ.97.29 కోట్ల సామాజిక పెన్షన్ల పంపిణీకి సిద్ధంగా ఉన్నట్లు జిల్లా కలెక్టర్ చదలవాడ నాగరాణి తెలిపారు. ఎన్టీఆర్ భరోసా సామాజిక పెన్షన్లను సోమవారం ఉదయం నుంచి లబ్ధిదారులకు పంపిణీ చేయడానికి సచివాలయం సిబ్బందికి తగు ఆదేశాలు జారీచేసినట్లు చెప్పారు. సచివాలయ సిబ్బంది లబ్ధిదారుల ఇంటికి వెళ్లి సకాలంలో పంపిణీ చేస్తారన్నారు.
News November 30, 2025
పాపన్నపేట: చివరి రోజు సందడి .. మెదటి విడతలో అత్యధికం
మెదక్ జిల్లాలో ఆరు మండలాలకు మొదటి విడతలో స్థానిక సర్పంచ్ ఎన్నికలకు నామినేషన్ పత్రాల స్వీకరణ ప్రక్రియ శనివారం ముగిసింది. జిల్లాలో అతిపెద్ద మండలం పాపన్నపేటలో అత్యధికంగా 948 నామినేషన్లు వచ్చాయి. 40 సర్పంచ్ స్థానాలకు 221, 348 వార్డు సభ్యుల స్థానాలకు 727 మంది అభ్యర్థులు నామినేషన్ వేశారు. సరైన వివరాలు లేనందున 2 వార్డు సభ్యుల నామినేషన్లు తిరస్కరించినట్లు అధికారులు వెల్లడించారు.