News August 31, 2025
వరంగల్‌లో ప్రశాంతంగా వినాయక ఉత్సవాలు: సీపీ
వరంగల్‌ పోలీస్ కమిషనరేట్‌ పరిధిలో గణపతి నవరాత్రులు ప్రశాంతంగా కొనసాగుతున్నాయని సీపీ సన్‌ప్రీత్‌ సింగ్‌ తెలిపారు. కమిషనరేట్‌ పరిధిలో మొత్తం 6,683 విగ్రహాలను ఏర్పాటు చేసినట్లు ఆయన చెప్పారు. సెంట్రల్‌ జోన్‌ పరిధిలో 2,675, ఈస్ట్‌ జోన్‌లో 2,043, వెస్ట్‌ జోన్‌లో 1,945 విగ్రహాలు నెలకొల్పబడ్డాయి. భక్తులకు ఎలాంటి ఇబ్బందులు లేకుండా పోలీసులు తగిన జాగ్రత్తలు తీసుకుంటున్నారని సీపీ పేర్కొన్నారు.
Similar News
News September 3, 2025
APPLY: రూ.1,40,000 జీతంతో 248 పోస్టులు
నేషనల్ హైడ్రోఎలక్ట్రిక్ పవర్ కార్పొరేషన్ లిమిటెడ్(NHPC) 248 పోస్టులకు నోటిఫికేషన్ జారీ చేసింది. అసిస్టెంట్ రాజ్‌భాష ఆఫీసర్, JE, సీనియర్ అకౌంటెంట్, సూపర్‌వైజర్(IT), హిందీ ట్రాన్స్‌లేటర్ పోస్టులు ఉన్నాయి. వయసు 30 ఏళ్లకు మించకూడదు. పోస్టులను బట్టి డిగ్రీ/బీ.టెక్/సీఏ చదివి ఉండాలి. జీతం పోస్టులను బట్టి నెలకు రూ.27,000-రూ.1,40,000 వరకు ఉంటుంది. వచ్చే నెల 1లోగా nhpcindia సైట్‌లో దరఖాస్తు చేసుకోవచ్చు.
News September 3, 2025
కరపలో దారుణం.. తండ్రిని హత్య చేసిన కొడుకు
కరప పోలీస్ స్టేషన్ పరిధిలోని ఉప్పలంక మొండి గ్రామంలో దారుణ ఘటన చోటుచోసుకుంది. కే. సూర్యచంద్ర (50)ను అతని కుమారుడు చంద్రశేఖర్ బుధవారం తెల్లవారుజామున హత్య చేశాడు. సమాచారం అందుకున్న ఎస్ఐ సునీత బృందం వెంటనే ఘటనా స్థలానికి చేరుకుంది. మృతదేహాన్ని పోస్టుమార్టం నిమిత్తం తరలించి, కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.
News September 3, 2025
ఉయ్యూరు: లైన్‌మెన్‌పై బూతు పురాణం
ఉయ్యూరు పెద్దఓగిరాల కరెంట్ సబ్-స్టేషన్ లైన్‌మెన్ నాగరాజును లైన్ ఇన్‌స్పెక్టర్ సత్యనారాయణ బూతులు తిట్టిన ఆడియో ఇప్పుడు సామాజిక మాధ్యమాల్లో వైరల్‌గా మారింది. కరివేపాకు తీసుకురమ్మని లైన్‌మెన్‌కి చెప్పారు. వేరే పని ఉండటం వల్ల తేలేకపోయానని చెప్పడంతో ఫోన్‌లో లైన్‌మెన్‌పై అసభ్య పదజాలంతో దూషించారు. దీనిపై ఉన్నతాధికారులు ఎలా స్పందిస్తారో వేచి చూడాలి.