News March 16, 2025
వరంగల్ అమ్మాయితో అమెరికా అబ్బాయి మ్యారేజ్❤️
వరంగల్‌కు చెందిన అమ్మాయితో అమెరికాకు చెందిన అబ్బాయికి ఆదివారం పెళ్లి జరగనుంది. కాశిబుగ్గ ప్రాంతానికి చెందిన మాజీ కౌన్సిలర్ సంపత్- పద్మ దంపతుల రెండో కూతురు సుప్రియ ఐదేళ్ల క్రితం పై చదువుల కోసం అమెరికా వెళ్లింది. అదే కాలేజీలో చదువుతున్న గ్రాండ్ అనే వ్యక్తితో ప్రేమలో పడింది. దీంతో గ్రాండ్ తన తల్లిదండ్రులను ఒప్పించి పెళ్లి చేసుకొనేందుకు సిద్ధమయ్యాడు. వీరి పెళ్లి వరంగల్‌లో నేడు జరగనుంది.
Similar News
News September 19, 2025
చొప్పదండి ఎమ్మెల్యే రూట్ మ్యాప్
మల్యాల మం.ల కేంద్రంలో శుక్రవారం చొప్పదండి MLA మేడిపల్లి సత్యం పలు అభివృద్ధి కార్యక్రమాల్లో పాల్గొననున్నారు. మధ్యాహ్నం 1 PMకి కొండగట్టులో అంగన్వాడీ భవనం శంకుస్థాపన, 1:30 PMకి నూకపల్లిలో పలు సంఘం భవనాల శంకుస్థాపన, 2.30 PMకి ముత్యంపేటలో మహిళా బిల్డింగ్ శంకుస్థాపన, 3 PMకి మల్యాలలో చెక్కుల పంపిణీ, 4 PMకి మల్యాల అంగన్వాడీ భవనం శంకుస్థాపన, 4:30 PMకి తక్కళ్లపల్లి అంగన్వాడీ భవనం శంకుస్థాపన చేయనున్నారు.
News September 19, 2025
మొక్కజొన్నలో పాము పొడ తెగులును ఎలా గుర్తించాలి?
పాము పొడ తెగులు ముందుగా నేలకు దగ్గరగా ఉండే మొక్కజొన్న మొక్కల కింది ఆకులపై సోకుతుంది. తర్వాత పై ఆకులకు, కాండానికి వ్యాపిస్తుంది. వ్యాధి సోకిన మొక్కల ఆకులు, కాండంపై బూడిద, గోధుమ వర్ణపు మచ్చలు ఒకదాని తర్వాత ఒకటి ఏర్పడి.. చూడటానికి పాముపొడ వలే కనిపిస్తాయి. కాండంపై ఏర్పడిన తెగులు లక్షణాల వల్ల కణుపుల వద్ద మొక్కలు విరిగి నేలపై పడిపోతాయి. దీని వల్ల మొక్కల సంఖ్య తగ్గి పంట దిగుబడి పడిపోతుంది.
News September 19, 2025
HYD- నల్లగొండ.. 74 కొట్టుకుపోయిన డెడ్‌బాడీ
అఫ్జల్‌సాగర్‌ నాలాలో గల్లంతైన మాన్గార్‌ బస్తీ యువకుడు అర్జున్‌ (26) మృతదేహం నల్లగొండ జిల్లా వలిగొండ వద్ద మూసీలో కనిపించింది. ఈ నెల 14న అర్జున్‌, రామా గల్లంతయ్యారు. 5 రోజుల తర్వాత నల్లగొండ మూసీ నదిలో డెడ్‌బాడీ ఉన్నట్లు సిబ్బంది కనుగొన్నారు. అతడి డెడ్‌బాడీ 74 కిలో మీటర్ల దూరం కొట్టుకుపోయింది. అర్జున్‌కు భార్య, నలుగురు పిల్లలు ఉన్నారు.