News February 16, 2026
వరంగల్: కోల్డ్ స్టోరేజ్ నుంచి గ్యాస్ లికేజీ
వరంగల్ ఎనుమాముల మార్కెట్ సమీపంలోని ఒక కోల్డ్ స్టోరేజీ నుంచి అమోనియా గ్యాస్ లీక్ అవ్వడంతో స్థానికులు తీవ్ర ఇబ్బందులు పడ్డారు. ఎన్టీఆర్ నగర్, సుందరయ్య నగర్ తదితర కాలనీవాసులు కంటి మంటలు, ఊపిరి తీసుకోవడంలో ఇబ్బందులతో భయాందోళనకు గురయ్యారు. బాధితులు ఆందోళన చేయడంతో నిర్వాహకులు వెంటనే లీకేజీని అరికట్టారు. గ్యాస్ ప్రభావం తగ్గడంతో ప్రజలు ఊపిరి పీల్చుకున్నారు. ప్రమాదం తప్పడంతో అంతా శాంతించారు.
Similar News
News February 17, 2026
రేపు మన్యంకొండలో మొక్కుబడి కోడదూడల బహిరంగ వేలం
మన్యంకొండలోని శ్రీ లక్ష్మీ వెంకటేశ్వర స్వామి దేవస్థానంలో బ్రహ్మోత్సవాల సందర్భంగా భక్తులు సమర్పించిన మొక్కుబడి కోడదూడల బహిరంగ వేలం రేపు బుధవారం ఉదయం 10 గంటలకు శ్రీ అలివేలు మంగమ్మ ఆలయం వద్ద నిర్వహించనున్నారు. ఈ వేలంలో రైతులు మాత్రమే పాల్గొనాలని ఆలయ ధర్మకర్త అలహరి మధుసూదన్ కుమార్, ఈవో శ్రీనివాసరాజు తెలిపారు. రైతులు పట్టా పాసుబుక్ జిరాక్స్, ఆధార్ కార్డు, రూ.10000 డిపాజిట్ చెల్లించాలన్నారు.
News February 17, 2026
NRPT: మ్యాపింగ్ ప్రక్రియ పకడ్బందీగా చేపట్టాలి
ప్రత్యేక సమగ్ర సవరణ కార్యక్రమానికి సంబంధించి మ్యాపింగ్ ప్రక్రియ పకడ్బందీగా చేపట్టాలని రాష్ట్ర ముఖ్య ఎన్నికల అధికారి సుదర్శన్ రెడ్డి అన్నారు. మంగళవారం హైదరాబాద్ నుంచి వీడియో కాన్ఫరెన్స్ ద్వారా అన్ని జిల్లాల ఎన్నికల అధికారులు, కలెక్టర్లు, ఈఆర్ఓ, ఏఈఆర్ఓ లతో ప్రత్యేక సమగ్ర సవరణ (SIR) ప్రక్రియపై నిర్వహించిన సమీక్ష సమావేశానికి నారాయణపేట కలెక్టర్ సిక్తా పట్నాయక్ పాల్గొన్నారు.
News February 17, 2026
అనకాపల్లి: విజయవంతంగా ముగిసిన శాప్ లీగ్ చెస్ టోర్నమెంట్
అనకాపల్లి ఎన్టీఆర్ స్టేడియంలో మంగళవారం నిర్వహించిన జిల్లా స్థాయి శాప్ లీగ్ చెస్ టోర్నమెంట్ పోటీలు మంగళవారం విజయవంతంగా ముగిశాయి. రాష్ట్ర క్రీడా ప్రాధికార సంస్థ అదేశాల మేరకు నిర్వహించిన పోటీల్లో అండర్-13,15,17 విభాగాలకు చెందిన బాల బాలికలు పాల్గొన్నారు. ఈ పోటీల్లో విజేతలు ఈనెల 21నుంచి తిరుపతిలో జరిగే రాష్ట్రస్థాయి పోటీల్లో పాల్గొంటారని జిల్లా క్రీడాభివృద్ది అధికారిణి పూజారి శైలజ తెలిపారు.