News December 28, 2024
వరంగల్: వేర్వేరు కారణాలతో ఆరుగురి సూసైడ్
ఉమ్మడి WGL జిల్లాలో వేర్వేరు కారణాలతో ఆరుగురు సూసైడ్ చేసుకున్నారు. వివరాలిలా.. భార్య విడాకులు ఇచ్చిందని గీసుగొండకు చెందిన శ్రీనివాస్, మద్యం తాగేందుకు డబ్బులు ఇవ్వలేదని యాదగిరి పురుగు మందు తాగారు. కాశీబుగ్గకు చెందిన రాజేశ్ పెళ్లి కావడం లేదని ఇంట్లో ఉరేసుకోగా.. కాజీపేట సమీపంలో ఓ వ్యక్తి రైలుకింద పడగా.. నెక్కొండ వాసి వీరన్న మద్యానికి బానిసై.. రాయపర్తి వాసి రాజిరెడ్డి అప్పుల బాధతో సూసైడ్ చేసుకున్నారు.
Similar News
News December 28, 2024
జనగామ: హెల్ప్ లైన్ నంబర్లపై విద్యార్థులకు అవగాహన
జనగామ మండలం చౌడారంలోని కస్తూర్బా గాంధీ బాలికల విద్యాలయంలో జిల్లా మహిళా సాధికారత కేంద్రం, సఖి కేంద్రం ఆధ్వర్యంలో హెల్ప్ లైన్ నంబర్లపై అవగాహన కల్పించారు. మహిళలు ఎక్కడైనా హింసకు గురైతే 181, బాల్య వివాహాలు అరికట్టడానికి 1098 నంబర్లను సంప్రదించాలంటూ విద్యార్థులతో మానవహారం చేపట్టారు.
News December 28, 2024
వరంగల్కు నాస్కామ్ శుభవార్త!
వరంగల్కు నేషనల్ అసోసియేషన్ ఆఫ్ సాఫ్ట్‌వేర్ అండ్ సర్వీస్ కంపెనీస్(NASSCOM) శుభవార్త చెప్పింది. HYD తర్వాత వరంగల్ నగరం గ్లోబల్ కేపబిలీటీ సెంటర్ల(జీసీసీ)కు డెస్టినేషన్‌లుగా మారనున్నాయని తెలిపింది. జిల్లాలో ఐటీ ఇండస్ట్రీకి అవసరమైన ఇంజినీరింగ్ కాలేజీలు, మానవ వనరులు అందుబాటులో ఉన్నట్లు పేర్కొంది. రాజధానికి దగ్గర్లో ఉండటం, అక్కడితో పోలిస్తే భూముల రేట్లు తక్కువగా ఉన్నట్లు వెల్లడించింది.
News December 28, 2024
ముందస్తు చర్యలతో నేరాలు అదుపు: వరంగల్ సీపీ
నేరాల నియంత్రణలో భాగంగా వరంగల్ కమిషనరేట్ పోలీసులు తీసుకుంటున్న ముందస్తు చర్యలతో నేరాలు తగ్గాయని వరంగల్ సీపీ అంబర్ కిశోర్ ఝా తెలిపారు. నేరాలకు సంబంధించి నైపుణ్యంతో కూడిన దర్యాప్తు చేయడంతో పాటు కోర్టుకు తగిన సాక్షాధారాలు సమర్పించడంతో కమిషనరేట్ పరిధిలో దాదాపు 2,462 మందికి శిక్షలు విధించినట్లు సీపీ చెప్పారు. ఈ కార్యక్రమంలో పోలీసులు అధికారులు పాల్గొన్నారు.