News March 25, 2025
వలిగొండ: నిందితుడికి కఠిన కారాగార శిక్ష
వేములకొండలో 2018లో 15 మంది కార్మికుల ప్రాణాలు పోవడానికి కారణమైన నిందితుడు A1 వెంకటనారాయణకు పదేళ్ల కఠిన కారాగార శిక్ష,A2 నాగేశ్వరరావుకు 5 వేల జరిమానా విధిస్తున్నట్లు నల్గొండ ఎస్సీ ఎస్టీ కోర్టు శిక్ష ఖరారు చేసింది. అతడికి డ్రైవింగ్ లైసెన్స్ లేకపోవడంతోపాటు నిర్లక్ష్యంగా ట్రాక్టర్ నడపడంతో అదుపుతప్పి మూసీ నదిలో పడిపోయింది. ఆ ఘటనలో 15 మంది చనిపోగా 17 మందికి గాయాలయ్యాయి.
Similar News
News November 9, 2025
చంద్రయాన్-3 బడ్జెట్ దాటేసిన స్క్రాప్ ఆదాయం
స్క్రాప్ అమ్మకం ద్వారా గత నెలలో కేంద్ర ప్రభుత్వానికి వచ్చిన ఆదాయం దాదాపుగా రూ.800 కోట్లు. ఇది చంద్రయాన్-3 కోసం మన దేశం చేసిన ఖర్చు (రూ.615 కోట్లు) కంటే ఎక్కువ. 2014లో అధికారంలోకి వచ్చిన తర్వాత స్వచ్ఛ భారత్ అభియాన్‌ను ప్రధాని మోదీ సర్కార్ ప్రారంభించింది. పరిశుభ్రత టార్గెట్‌గా ప్రారంభించిన ఈ డ్రైవ్ కేంద్రానికి భారీ ఆదాయాన్ని అందిస్తోంది. 2021 నుంచి ఇప్పటివరకు రూ.4,100 కోట్లు ఆదాయం తెచ్చిపెట్టింది.
News November 9, 2025
ఆదిలాబాద్: మొక్కజొన్న కొనుగోలు కేంద్రాలు ఇవే
మొక్కజొన్న కొనుగోలు కేంద్రాలు ఆదిలాబాద్, భీంపూర్, ఇచ్చోడ, నేరడిగొండ, బోథ్, ఇంద్రవెల్లి, నార్నూర్ ప్రాంతాల్లో ప్రారంభించనున్నట్లు కలెక్టర్ రాజర్షి షా తెలిపారు. సోయాబీన్ కొనుగోలు కేంద్రాలు ఆదిలాబాద్, జైనాథ్, బేల, భీంపూర్, ఇచ్చోడ, నేరడిగొండ, బోథ్, ఇంద్రవెల్లి, ఉట్నూర్, నార్నూర్ ప్రాంతాల్లో ఏర్పాటు చేసినట్లు కలెక్టర్ చెప్పారు. నాణ్యతా ప్రమాణాలను మించిన పంటను కొనుగోలు చేయబడదని స్పష్టం చేశారు.
News November 9, 2025
MNCL: అండర్-14 క్రికెట్ బాలుర జిల్లా స్థాయి ఎంపిక పోటీలు
స్కూల్ గేమ్స్ ఫెడరేషన్ ఆధ్వర్యంలో ఆదివారం మంచిర్యాలలోని జడ్పీ బాలుర పాఠశాల మైదానంలో అండర్-14 క్రికెట్ బాలుర జిల్లా స్థాయి ఎంపిక పోటీలు జరిగాయి. ఈ పోటీలకు జిల్లాలోని వివిధ ప్రాంతాల నుంచి 150 మంది క్రీడాకారులు హాజరయ్యారు. పోటీల్లో ప్రతిభ కనబరిచిన వారిని జోనల్ స్థాయికి ఎంపిక చేయనున్నట్లు ఎస్జీఎఫ్ కార్యదర్శి ఎండీ యాకుబ్ తెలిపారు. ఈ కార్యక్రమంలో పోటీల కన్వీనర్ గోపాల్, తదితరులు పాల్గొన్నారు.