News January 13, 2026
వికారాబాద్ ఫైనల్ లిస్ట్ వచ్చేసింది..!
వికారాబాద్ జిల్లాలోని అన్ని మున్సిపాలిటీల తుది జాబితాను అధికారులు విడుదల చేశారు. జిల్లాలో 4 మున్సిపాలిటీలు ఉన్నాయి. అందులో తాండూర్ మున్సిపాలిటీలో 36 వార్డుల్లో 77,110 ఓటర్లు, వికారాబాద్లో 34 వార్డులకు 58,117, పరిగిలో 18 వార్డుల్లో 27,616, కొడంగల్లో 12 వార్డులకు 11,318 మంది ఓటర్లు ఉన్నారు. తుది జాబితాను ఆయా మున్సిపాలిటీల్లోని నోటీస్ బోర్డులో ప్రదర్శించారు. ఫైనల్ లిస్ట్లో మీపేరు ఉందా చెక్ చేయండి.
Similar News
News January 31, 2026
పాలకొల్లు: తండ్రి కానిస్టేబుల్.. కూతురు డీఎస్పీ
పాలకొల్లు పట్టణానికి చెందిన గురుజు లక్ష్మి అంజన శుక్రవారం విడుదలైన గ్రూప్ -1 ఫలితాల్లో డీఎస్పీగా ఎంపికయ్యారు. ఆమె తండ్రి భీమవరం పోలీస్ సర్కిల్ ఇన్స్పెక్టర్ స్టేషన్లో రైటర్ కాగా, తల్లి ప్రైవేట్ పాఠశాలలో ఉపాధ్యాయురాలిగా విధులు నిర్వహిస్తున్నారు. తాను పనిచేస్తున్న పోలీస్ శాఖలో తమ కూతురు డీఎస్పీగా ఉద్యోగం పొందడం పట్ల లక్ష్మీ అంజన తల్లితండ్రుల అమితానందాన్ని వ్యక్తం చేశారు.
News January 31, 2026
మేడారంలో ద్వాదశి చంద్రుడు.. పులకించిన వనసీమ
మేడారం సమ్మక్క-సారలమ్మ మహాజాతరలో ద్వాదశి తిథి సందర్భంగా ఆకాశంలో వెలిగిన చంద్రుడు ప్రత్యేక ఆకర్షణగా నిలిచాడు. తల్లుల ఆగమనం అనంతరం దర్శనమిచ్చిన చంద్రకాంతి జాతర ప్రాంతాన్ని ఆధ్యాత్మిక శోభతో నింపింది. వేలాది మంది భక్తులు చంద్రుడిని దర్శిస్తూ సమ్మక్క-సారలమ్మలను స్మరిస్తూ భక్తిభావంతో మునిగిపోయారు. ప్రకృతి, ఆధ్యాత్మికత కలసి మేడారంలో అరుదైన దృశ్యాన్ని ఆవిష్కరించాయి.
News January 31, 2026
ఈ నొప్పులతో థైరాయిడ్ను ముందుగానే గుర్తించొచ్చు
శరీరంలో కొన్నిభాగాల్లో వచ్చే నొప్పులు థైరాయిడ్ అసమతుల్యతకు సూచన అని నిపుణులు అంటున్నారు. సాధారణంగా థైరాయిడ్ హార్మోన్లలో అసమతుల్యత ఉంటే ఎముకలను బలహీనపరుస్తుంది. ఇది వివిధ ప్రదేశాలలో నొప్పికి దారితీస్తుంది. మెడ, దవడ, చెవి నొప్పులు తరచూ వస్తుంటే థైరాయిడ్ పరీక్ష చేయించుకోవడం మంచిది. వీటితో పాటు కండరాల నొప్పి, కీళ్లు, మోకాళ్ల నొప్పి ఎక్కువగా వస్తున్నా వైద్యులను సంప్రదించాలని సూచిస్తున్నారు.