News February 23, 2025
విచారణను వేగవంతం చేయాలి: లక్ష్మీ నరసింహరావు
బీఆర్ఎస్ పార్టీని బద్నాం చేసేందుకు కాంగ్రెస్ నాయకులు కుట్ర చేస్తున్నారని భూపాలపల్లి వ్యవసాయ మార్కెట్ మాజీ ఛైర్మన్ పొలసాని లక్ష్మీ నరసింహ రావు అన్నారు. శనివారం ఘనపురంలో మీడియాతో మాట్లాడారు. రాజలింగమూర్తి హత్య విషయంలో రాజకీయ రాద్దాంతం చేయడం సరికాదని, హత్యకు కారకులైన వారిని పట్టుకొని శిక్షించాలని, విచారణను వేగవంతం చేయాలని డిమాండ్ చేశారు.
Similar News
News November 7, 2025
ఆయిల్ పామ్ సాగులో ఇవి కీలకం
ఆయిల్ పామ్ సాగుకు నీటి సదుపాయం కీలకం. 2 అంగుళాల బోర్‌వెల్ ఉంటే మైక్రోఇరిగేషన్ ద్వారా రోజూ 2,3 గంటలు.. వేసవిలో 4,5 గంటలు నీరివ్వాలి. ప్రతి 3 నెలలకు ఒకసారి నిపుణుల సూచనలతో ఎరువులు తప్పక వేయాలి. పంట దిగుబడికి ఫలదీకరణం కీలకం. అందుకే మొక్క నాటిన ఏడాదిన్నర నుంచి మూడేళ్ల వరకు వచ్చే పొత్తులను తీసేయాలి. దీని వల్ల మొక్క మాను బాగా వృద్ధిచెందుతుంది. భవిష్యత్తులో గెలలు నిండుగా వచ్చి బరువు పెరుగుతాయి.
News November 7, 2025
WGL: తేజా మిర్చి రూ.14,850
వరంగల్ ఎనుమాముల మార్కెట్లో శుక్రవారం వివిధ రకాల మిర్చి ధరలు ఇలా ఉన్నాయి. 341 రకం మిర్చి క్వింటాకు నిన్న రూ.17,100 ధర పలకగా.. నేడు రూ.17,200 అయింది. అలాగే, వండర్ హాట్(WH) మిర్చికి గురువారం రూ.17,300 ధర వస్తే.. ఈరోజు రూ.17,200కి తగ్గింది. తేజ మిర్చి ధర నిన్న రూ.14,800 ఉంటే.. శుక్రవారం రూ.14,850 అయింది. మార్కెట్లో క్రయవిక్రయాలు జోరుగా కొనసాగుతున్నాయి.
News November 7, 2025
సరస్వతీ దేవి ఎలా జన్మించింది?
పూర్వం సృష్టి శూన్యంగా ఉండేది. దీంతో బ్రహ్మ దేవుడు లోకాన్ని సృష్టించాలనుకున్నాడు. ఆ కార్యాన్ని ప్రారంభించడానికి అతనికి జ్ఞానం, వాక్కు అవసరమయ్యాయి. అప్పుడు బ్రహ్మ తన మనస్సు నుంచి తేజోమయి సరస్వతీ దేవిని సృష్టించాడు. ఆమె వీణ, పుస్తకం, జపమాల ధరించి, ఆవిర్భవించింది. బ్రహ్మకు వాక్కు, జ్ఞానం అందించింది. ఆమె అనుగ్రహంతోనే బ్రహ్మ వేదాలను, సమస్త విశ్వాన్ని సృష్టించగలిగాడు. అందుకే బ్రహ్మ మానస పుత్రిక అంటారు.