News October 31, 2024
విజయవాడ మహిళకు TTDలో కీలక పదవి
విజయవాడకు చెందిన అనుగోలు రంగశ్రీని టీటీడీ పాలకమండలి సభ్యురాలిగా రాష్ట్ర ప్రభుత్వం నియమించింది. కాగా ఆమె జనసేన పార్టీ కోశాధికారి AV రత్నం సతీమణి. కాగా రంగశ్రీ పలు ఆలయాలకు విరాళాలు ఇవ్వడంతో పాటు అనేక ప్రాంతాల్లో ధార్మిక కార్యక్రమాల్లో చురుగ్గా పాల్గొన్నారని జనసేన పార్టీ ఓ ప్రకటనలో తెలిపింది. తిరుమల పవిత్రతను సంరక్షించడమే సంకల్పంగా ఆమెకు టీటీడీ పాలకమండలిలో చోటు కల్పించామన్నారు.
Similar News
News October 31, 2024
బుడమేరు వరద నివారణకు డీపీఆర్ సిద్ధం చేయండి: సీఎం
ఉమ్మడి కృష్ణా జిల్లాలోని బుడమేరు వరద నివారణకు డీపీఆర్ సిద్ధం చేయాలని అధికారులను సీఎం చంద్రబాబు బుధవారం ఆదేశించారు. మంత్రులు అనగాని సత్యప్రసాద్, పి.నారాయణ, కలెక్టర్ నిధి మీనా తదితర అధికారులతో సీఎం బుధవారం ఈ అంశంపై అమరావతి సచివాలయంలో సమావేశమయ్యారు. వరదల్లో నష్టపోయిన వాహనదారుల బీమా చెల్లింపులను 15 రోజుల్లో మొత్తం పూర్తి చేయాలని సీఎం ఈ మేరకు స్పష్టమైన ఆదేశాలిచ్చారు.
News October 31, 2024
ఉచిత ఇసుక అమలుకు పటిష్ట చర్యలు: కృష్ణా కలెక్టర్
కృష్ణా జిల్లాలో ఉచిత ఇసుక విధానం అమలుకు పటిష్ట చర్యలు చేపట్టాలని కలెక్టర్ డీకే బాలాజీ అధికారులను ఆదేశించారు. బుధవారం ఉదయం కలెక్టర్ అధ్యక్షతన జిల్లా స్థాయి ఇసుక కమిటీ సమావేశం కలెక్టరేట్ లో జరిగింది. ఈ సందర్భంగా కలెక్టర్ మాట్లాడుతూ.. ఉచిత ఇసుక విధానం ఖచ్చితంగా అమలు చేయాలని, ఎలాంటి ఉల్లంఘనలు జరిగినా నిబంధన ప్రకారం చర్యలు తీసుకోవాలన్నారు.
News October 31, 2024
ఏడాదికి రూ.2,684 కోట్ల ఖర్చు: మంత్రి కొలుసు
రాష్ట్రంలో ఉచిత గ్యాస్ సిలిండర్ల పంపిణీ పథకం కోసం రాష్ట్ర ప్రభుత్వం ఏడాదికి రూ. 2,684 కోట్ల ఖర్చు చేస్తోందని మంత్రి కొలుసు పార్థసారథి తెలిపారు. రాష్ట్రంలోని మహిళలకు సీఎం చంద్రబాబు దీపావళి కానుక కింద ఈ పథకం అందించారన్నారు. మహిళా సంక్షేమమే ధ్యేయంగా అర్హులైన ప్రతి ఒక్కరికి ఏడాదికి 3 సిలిండర్లను టీడీపీ కూటమి ప్రభుత్వం అందజేస్తోందని కొలుసు ఈ మేరకు ట్వీట్ చేశారు.