News January 31, 2025
విద్యార్థినిపై లైంగిక దాడి.. స్పందించిన మంత్రి అచ్చెన్నాయుడు
శ్రీకాకుళం నగరంలో గురువారం రాత్రి డిగ్రీ విద్యార్థినిపై లైంగిక దాడిపై తక్షణమే విచారణ చేపట్టాలని రాష్ట్ర మంత్రి కింజరాపు అచ్చెన్నాయుడు శుక్రవారం పోలీస్ అధికారులను ఆదేశించారు. ఈ మేరకు జిల్లా ఎస్పీ కె.వి మహేశ్వర రెడ్డి, డీఎస్పీ వివేకానందతో ఫోన్‌లో మాట్లాడి.. నిందితులను వెంటనే అరెస్టు చేయాలని కోరారు. బాలికకు మెరుగైన వైద్య సేవలు అందించాలని మంత్రి ఆదేశించారు.
Similar News
News January 31, 2025
SKLM: వేడుకకు ప్రజలు సహకరించాలి: ఏఎస్పీ
అరసవల్లి శ్రీ సూర్యనారాయణ స్వామి వారి రథసప్తమి వేడుకలు విజయవంతంగా నిర్వహించేందుకు జిల్లా పోలీసు యంత్రాంగానికి భక్తులందరూ సహకరించాలని ఏఎస్పీ రమణ, డీఎస్పీ సీహెచ్ వివేకానంద కోరారు. ఈ మేరకు శుక్రవారం ఎస్పీ కార్యాలయంలో మీడియాతో మాట్లాడారు. శ్రీకాకుళం జిల్లా పోలీస్ శాఖ తీసుకున్న ట్రాఫిక్ మళ్లింపు చర్యలు ప్రతి ఒక్కరు విధిగా పాటిస్తూ నిర్దేశించిన పార్కింగ్ ప్రదేశాల్లో వాహనాలు పార్కింగ్ చేయాలన్నారు.
News January 31, 2025
SKLM. హాస్టళ్ల విద్యార్థినీపై లైంగిక దాడిపై హోమ్ మంత్రి అనిత ఆరా..!
శ్రీకాకుళం ప్రభుత్వ డిగ్రీ కళాశాల హాస్టల్ విద్యార్థినిపై లైంగికదాడి ఆరోపణల ఘటనపై హోంమంత్రి అనిత జిల్లా ఎస్పీ మహేశ్వర రెడ్డితో ఫోన్లలో మాట్లాడి వివరాలు తెలుసుకున్నారు. అపస్మారక స్థితిలో రిమ్స్ ఆస్పత్రికి తరలించిన యువతికి మెరుగైన వైద్య సదుపాయాలందించాలని ఆదేశించారు. నిందితుల కోసం ఇప్పటికే 3 ప్రత్యేక బృందాలు ఏర్పాటు చేసి గాలింపు చర్యలు చేపట్టినట్లు ఎస్పీ హోం మంత్రికి వివరించారు.
News January 31, 2025
రణస్థలం: పరిశ్రమలో ప్రమాదం..ఇద్దరికి గాయాలు
శ్రీకాకుళం జిల్లా రణస్థలం మండలంలోని పైడిభీమవరం వద్ద ఉన్న రసాయనిక పరిశ్రమలో గురువారం సాయంత్రం ప్రమాదం చోటు చేసుకుంది. ఈ ఘటన ఆలస్యంగా వెలుగులోకి వచ్చింది. పరిశ్రమలో కూలింగ్ టవర్ ఫ్యాన్లు తెగి పడడంతో ఇద్దరు వ్యక్తులు గాయపడ్డారు. వీరిని విజయనగరంలోని ఓ ప్రైవేటు ఆసుపత్రికి తరలించి చికిత్స అందిస్తున్నట్లు సమాచారం.